Tafwelej mʼak toj wichi ihi

Mʼak toj Jesús iwoye pʼante

VIDEO: Jesús hipʼaltsen toj hiwʼen wujpe wichi

1. Yahin VIDEO wok yahyen Marcos 6:30-34. Che paj tetshan nʼoyʼatshanhayna:

1. ¿Atsi mʼak toj tamenej toj Jesús wet laka apóstoles tsʼilkas lhamel toj ihi lhip toj iwo tʼelakweta?

2. ¿Atsi mʼak toj tamenej toj Jesús iwo silota wichitso?

¿Atsi toj ichufwen namejen mʼak toj Jesús iwoye pʼante?

2. Lewhay toj natafwelej mʼak toj wichi ihi, nanʼalit toj nen lhalhakliya wet tsʼilakhitʼa toj nahane nʼosilot.

Tenla mʼak toj Jesús iwoye

3. Chʼahuye wichi. Chʼanlhaye che yomlhi. Che iche nʼoelh toj tekawayhla mʼak toj lhome wok yome mʼak toj yen tichunhayaja wet mʼak toj yen lelhakliya, chʼahuye. Che lewoye tajtso, nʼoelh hiwʼenla toj am matche toj lhen alhakliya mʼak toj yen tichunhayaja.

4. Tichunejlhi mʼak toj nʼoelh ihi. Husekchʼoye mʼak toj am lhomene wet atshan ame:

1. «¿Atsi mʼak toj tamenej toj is che itafwelej mʼak toj matche?».

2. «¿Chi malhyej (Ep hote) toj isila mʼak toj ihi athana wet tatay alhoho che lhaichufwenej Biblia?».

5. Chumyenlhi mʼak toj nʼoelh iwoyek isej. Kelit toj lepayne chi malhyej (ep hote) toj, che lhaichufwenej Biblia iwohiyelak ichulho leyʼatshanhay wet iwoyek tachʼote.