Iwo tesa lhip 7

Toj ihi lhipna natetshanla 80 años toj mʼak toj niyat Saúl wet niyat David ihi pʼante. Toj ichun, Saúl hope elh toj lhaichajlhihitʼa wet tachʼahuye pʼante Dios. Mat wujitʼa lewhay toj tafwaytshi toj iwo elha lehusek wet tekawayhla toj Heowa inuhyenkwe lenʼayij. Toj lepes Heowa hate takawayhla lham wet tʼalheje Samuel che itshupiye David hopkhilak hope Israel laka niyat toj nechʼayek. Saúl matche toj tʼischene David wet wujpe lewhay toj lham tʼuhlak ilan. Tej toj malhyejtso, David ihichetʼa lewhay che ichumla Saúl. Jonatán, Saúl lhos, ihanej tʼat toj Heowa tatshupiye pʼante hop David, hop toj tamenej toj tʼifwtiyej hop lham. Tej toj, toj paj, David ichepej toj iwoye lechʼisukyaj toj hichʼatej toj niʼisa, lham tachumlapej Heowa lefwonyaj. Che ales ihi, chʼote lhamel hopkhilak hiwʼen toj matche toj laha ihi che nalethatche mʼak toj Dios tatshupiye.