愛心的模範

1．耶和華上帝，是愛心的模範，

疼惜著每一人。

伊的愛完滿，溫柔來將手牽，

感動著咱，及伊仝款。

慈悲體貼人，了解人的平凡，

伊寬赦過犯，將人的罪掩蓋。

伊犧牲愛子，賜人永生希望。

這是真愛，上好的模範。

2．學上帝的愛，表現熱誠的愛，

關心人對腹內。

毋管大細漢，攏會真情對待，

少年美麗，年老光彩。

咱若愛上帝，嘛愛兄弟姊妹，

互人會知影，咱的愛無虛假。

兄弟的傷害，甘心包容一切，

這就是愛，兄弟的真愛。

3．耶和華的愛，互咱會當熟似，

一家伙相和諧。

耶和華的愛，邀請你來看覓，

互相扶持，鼓勵關懷。

做夥來敬拜，住佇天父厝內，

聖經幫助咱，培養團結的愛。

相楗及相伨，互咱堅強徛在。

這就是愛，耶和華是愛。