來，你一定會受鼓勵！

1.世界的人烏白傱尋無出路，

總是家己想家己著。

正確指引會引導咱的腳步，

倚靠上帝才會成功。

參加聚會互信心得著鼓勵，

樂園希望愈看愈現。

受感動受推捒做著的代誌，

閣有力量堅持落去。

佇聚會中謙卑受上帝教示，

對真理的愛愈加深。

向望一生行踏合上帝的意，

永遠順趁伊的旨意。

2.咱的需要耶和華清楚知影，

伊的教示愛斟酌聽。

安排時間努力來參加聚會，

就表明咱信賴上帝。

思想健全的兄弟根據聖經，

教咱按怎表現信心。

有溫情的大家庭及咱做伴，

咱永遠袂感覺孤單。

咱若向望新世界親人閣活，

思慕的人閣攬相倚，

著定定聚集受上帝的引導，

永遠侍奉主耶和華。