Īǁkhā-e hoa khoena ǀguitikōse hâ-ūsa? Elobmîsa tae-e ra mî?

ǃHaosi ǀguitikōsib ge ǁhapos ase ǀgui ǂgui khoena ība.

• “ǃHaoǀgoras ge ǃhūbaib ǂhawase, ǃgā-i khami i. Tsî ǀapeǂhumi ti, ǀguipa ra hâ khoen tsî tsēkōrobe ûib tsîna ra tsâǀkhā. ǃHaoǀgoras ge ra ǃaroma în khoena ǃgâi, tama ǀgaub ǃnâ nauna hâ-ū.”—António Guterres, UN Secretary-General.

ǃHaode ǀguiǃnâxa i nî? Elobmîsa tae-e ra mî?

Elob mûǂuib, ǃhaosi guitikōsib xa

Elobmîs ge ra ǁkhāǁkhāda, matib Eloba ǃkharagagu ǃhoade ra mû ǀgauba.

• “[Elob ge] ǀgui khoeba xu hoaraga ǁaedi ǃhūbaib ai hâde ge ǂnubi.”—ǃNaeǃkhaidi 17:26.

• Elob ge “khoen ǁaegu ǀgora-e ūhâ tama. . . . Mâ ǁaes ǀguis ka xaweb ge ǁkhāti ǁnān hîa ǁîba ǃaoǃgâ tsî ǂhanuse ra ûina ra ǃkhōǃoa.”—ǃNaeǃkhaidi 10:34, 35.

Elobmîs ge ra ǁgau ǀgui omaris ǃâ da asa. Tsîb Eloba hoa ǃhaodi khoena ra ūǃoasa.

Mati i ǃhaosi ǀguitikōsiba nî mûǂanhes

ǃHaosi ǀguitikōsib ge Elob Gaosib ǃnaka nî īǁkhā. ǁNā gaosib ge khoena nî ǁkhāǁkhā, în nauna ǂhanu ǀgaub ǃnâ hâ-ū. Khoen ge nî ǁkhāǁkhāsen, matin ǃhaoǀgoras tsâsiga nî sîsenǂam ǀgausa.

• “On ge ǃhūbaib ǁanǂgāsabena ǂhanu-aisiba [nî ra] ǁkhāǁkhāsen.”—Jesajab 26:9.

• “ǂHauǃnâsib ge ǂkhîba nî ǃaroma tsî ǂhanu-aisib ǃkhommi ge ǃnōsasib tsî ǂgomǃgâsib tsîkha, ǀamos kōse.”—Jesajab 32:17.

Nētsēn ge ǂgui khoena Elobmîsa xu ra ǁkhāǁkhāsen, matin nauna ǃgôasib ǃnâ nî hâ-ū ǀgausa.

• ǃNāsase ǁkhāǁkhāsens ǃaroma “Is There a Cure for Prejudice?” di ǀon hâ khomaiǃâsa khomai re.

• “Talking to Children About Racism” di ǀon hâ khomaiǃâsa khomai. Tsî ǁkhāǁkhāsen re, matin ǁgûna ǁîn ǀgôan ǀkha nē ǃhoaǃâs xa oms ai a ǃhoa ǁkhā ǀgauba.