Khomai-aon dîdi

ǂKhoamîdi 30:​18, 19 xoa-aob ge ge mî “aorekhoeb tsî ǂkham khoes tsîra di ǀnamgub” tsîn a ‘buruxa’ ti. Tae-eb gere ǂâibasen?

ǂGui khoen ge nē xoadi tae-e ra ǂâibasensa ra ǂhâ, Elobmîs ǂansa ūhân tsîna ǃkhōǂgā hâse. Xoas ge ǀoasase sao rase ra mî: “ǃNona xūn ge hâ buruxaba tena; hakan ǁnâuǃā tama ta hâna: ǃAriǃkhās ra ǀgapise ǀhomaib ai ǁkhana ǀgaus, ǀaob ra ǃgareǀuib ai ǂhana ǀgaus, doe-oms ra hurib ai ǃnari ǀgaus tsî aorekhoeb tsî ǂkham khoes tsîra di ǀnamgub tsîna.”—ǂKhm. 30:​18, 19.

ǂGuro da ge “aorekhoeb tsî ǂkham khoes tsîra di ǀnamgub” ti hâ ǁgaraba, ǃgâi tama xū-e ra ǁguiǃā ǀgaub ǃnâ gere ǃnâuǃā. Tae-i ǃaroma? ǁKhā danaǃâs ǃnâ î ge ǁgai xūna ra ǁguiǃāhe, “ǂâu go” ti mî tamana. (ǂKhm. 30:​15, 16) 20ǁÎ ǁaraǃās ge “ǃgamekhôaxa taras” hîna tsū xū-es dī tama ti ra mîs xa ra ǃhoa. ǁNā-amaga da ge ge ǂâi hâ i nē xoas xū-e naun ǂan tamase dīs xa ra ǃhoa ti. Aiǁgause ǃariǃkhās [eagels] ǀgapise ǀhomaib ai ra ǁkhana ǀgaus, ǀaob ra ǃgareǀuib ai ǂhana ǀgaus, doe-oms ra hurib ai ǃnari ǀgaus tsî aorekhoeb tsî ǂkham khoes tsîra di ǀnamgub tsîna. ǁNā-amaga da ge ge ǂâi hâ î “aorekhoeb tsî ǂkham khoes tsîra di ǀnamgub” ǁgai xū-i xa ra ǃhoasa. Tsî î ǂkhamkhoeba, ǂkhamkhoesa ra gaxaǃnâsa îs ǁîb ǀkha sorosise ǁgoe tae-i ǁîs ǀkha ra ī sas a ǀūse.

Xawe da ge ǃgâi ǃaromade ūhâ nē xoasa ǃgâi ǀgaub ǃnâ mûsa. Xoa-aob ge buruxa xūna gere ǁguiǃā.

Hebreǁî ǂkhanidi ge nē xoas ǃgâi xū-i xa ra ǃhoasa ra ǂkhâǃnâ. Theological Lexicon of the Old Testaments ǃnâ î ge Hebre mîs “ǁnâuǃā tama ta hâna” ti hâ ǁgarab ǂKhoamîdi 30:18 ǃnâ hâba, buruxa xū-i tamas ka io īǁoasa xū-e ǃoa ra ǁnaeǁgau.

ǁGauǃnâ-aob Crawfor H. Toy ti ǀon hâb hîna Harvard ǀgapi ǁgauǃnâ ǃkhaib Amerikab ǃnâ hâb tawa ra ǁkhāǁkhāb tsîn ge ra mî, nē xoas ǁgai xū-i xa ǃhoa tamasa. ǁÎb ge ra mî: “Xoa-aob ge xūn matikōse a buruxas xa gere xoa.”

ǁNā-amaga î ge ǁnâuǃāxa ǂKhoamîdi 30:​18, 19 ǃnâ ra ǁguiǃāhe xūn ama buruxa ǃkhaisa. ǁNā xoa-aob khami da ge sida tsîna ra buru mati i ǃariǃkhāsa ǀgapise ǀhomaib ai ra ǁkhana ǀgaus, ǀaob ra ǃgareǀuib ai ǂhana ǀgaus, doe-oms ra hurib ai ǃnari ǀgaus tsî aorekhoeb tsî ǂkhamkhoes tsîra ǀnamgu tsî ǂkhîse ûiǀhao ǁkhā ǀgausa.