CILONGESA 3

Ku Linga Vuino Vihula

Mateo 16:13-16

VITONDEKA: Lingenu vihula na kasingimiko vize vi katula cizango ca vakua ku mi halakana, ku hilula navo, na ku tsindika ha vintsina via seho.

Sangumunenu mpuila na ku i sambeya. Lingenu vihula vi lingisa vakua ku mi halakana ku singaniekaho na ku ivua mpuila ya ku tonda ku tantekeya vikumbululo.
Konkenu vuino ha cimpande. Kuasenu vakua ku mi halakana va mone vusunga vua cimo cimpande, mu ku linga vihula vi tuala ku cikumbululo ca ku sungama.
Tsindikenu ha Vintsina via Seho. Lingenu cihula ce ku kuika visinganieka via muntu ntsimbu kanda mu tsindike ha cinanga ca seho. Lingenu vihula via ku hituluka mu nima ya ku tsindika ha ntsina ya kama ni nga muli ku ntsongo ya cimpande.

Mu nima ya ku tanda mukanda, lingenu vihula mu ku tsindika ha mezi a mua tanda.