Ku Muesa Cikeketima

Vati Yesu ua Lingile

VIDEO: Yesu a vuila cikeketima vivunga

1. Talenu VIDEO, ni tandenu Mako 6:30-34. Kaha munima yaco hilulenu ha vihula vi na hatako:

1. Omo lia vika Yesu na vapostolo va tondele ku kala kua lika liavo.

2. Vika via lingisile Yesu ku ivua cizango ca ku longesa vivunga?

Vi tu Lilongesa Kuli Yesu

2. Cikeketima ce ku tu lingisa ku haka seho ku vantu kati lika ku muzimbu u tue ku ambulula.

Kavenu Lungano lua Yesu

3. Puenu na ku halakana mua cili. Ecelenu muntu a lombolole viose viali na ku ivua, kati mu mu tete lizi ni ku sembulula vihandeka vieni, cifua cali na ku livuilamo, via na lisosomua ni mezi ali na ku handeka mu ku mi viana. Mu ku mu halakana mua cili mu ka muesa ngecize mua mu haka seho na cifua ce ku livuilamo na visinganieka viendi.

4. Singaniekenu ha muntu uze na muesa cizango. Kuliya na vize vi muli na ku simutuila nendi lihuleni nguenu:

1. ‘Omo lia vika ou muntu a tondeka ku ivua vusunga?’

2. Vati ku lilongesa Mbimbiliya ci hasa ku mu kuasa mu muono uendi mu ntsimbu ino na ku lutue?

5. Mu muesenu mizimbu ize i hasa ku mu kuasa mpundu mu viuma via tondeka. Mu muesenu vati ku lilongesa Mbimbiliya ci hasa ku mu kuasa ku tantekeya vikumbululo via vihula vieni na ku mu kuasa mu muono ueni ua tangua na tangua.