Kati mu Hone

Vati Paulu ua Lingile

VIDEO: Paulu ua Kolesele mu Efeso

1. Talenu VIDEO, ni tandenu Vilinga 19:8-10. Kaha munima yaco hiluleni ha vihula vi na hatako:

1. Mu cihela ca ku hilukila mu nima vati Paulu ua hasele ku kolesa na ku kuasa vaze va muesele cizango?

2. Lungahi Paulu ua ile mu ku longesa vaze va muesele cizango kaha mu vintsimbu vingahi ua lingilemo?

Vi tu Lilongesa Kuli Paulu

2. Ca tondeka ku lihakela kapandi ka ku pangesa vuino ntsimbu yetu linga tu hase ku linga mangendzi a ku hilukila na ku putuka vilongesa via Mbimbiliya.

Tambuluisenu Paulu

3. Tombuesenu ntsimbu yenu ku ya vakuenu. Lihulenu nguenu: Ha ntsimbu ika ya cili nji hasa ku liuana na muntu? Mu ntsimbu ika na kulihi a ka hasa ku muesa cizango ca ku simutuila nange? Kalenu na ntsintsa ya ku ka tonda muntu cipue nga kati ha ntsimbu ya cili kuli yeni.

4. Likuminyenu ntsimbu ya ku hilukilako. ku ntsongo ya nkala ku simutuila liminyenu ntsimbu i mu ka hasa ku hiluka ku muntu linga mua ku tualeleho ku simutuila. Lihakeleni kapandi ka ku puisamo nkuminio yeni.

5. Tualelenuho. Nga muntu ua kala na vipanga via vingi ni ka mue ku mu uana ha ndzivo ku sua kumo, kati mu singanieke nguenu omuo kakele na cizango. (1 Kol. 13:4, 7) Vutuhu ngoco lihakelenu kapandi ka ku tonda muntu uaco, vunoni kati mu suve ku pangesa vuino ntsimbu yeni.—1 Kol. 9:26.