Mu ka Temunuina Ntuima ya Yehova na Yesu, mu Ntsimbu ya Mulalelo ni?
1. Kapandi kaka ve ku lihakela Vakaleho va Yehova mu ntsimbu ya Mulalelo ua Muangana?
1 Yehova ue ku puisamo vutumbe vueni na ntuima ni nguetu cizango ca vutuntu. Ku tuala ha vimo vivezikiso vi vu ka neha Vuangana vua Njambi, Isaya 9:7 nguayo: “Ku zangama ca Yehova ua vivunga ci ka linga eci.” Mua kele ha mavu, Muana Njambi neni ua muesele ntuima mu vipanga vieni via ku lemesa ca vusunga. (Yoano 2:13-17; 4:34) Muaka ku muaka, mu ntsimbu ya Mulalelo vakua ku ambulula va vengi ve ku lihakela kapandi ka ku temunuina ntuima ya Yehova na Yesu mu ku vueza ku ntsimbu yavo ya ku ambulula. Nenu mu ka lipandakana kuli vakevo ni?
2. Ntuima i ka tu sindiya ku linga vika ku putuka lia 14 ya Março?
2 Cipanga ca ku Lania:. Uno muaka cipanga ca ku lania vantu ku Mulalelo ci ka putuka lia Sapalalo 14 ya Março. Liviukisilenu vuovuno linga mu ka hase ku ambulula na ntuima. Vikungulukilo vi ka sula na ndzolela omo vi ka panga na ntuima mu ku puisamo ku ambuluila mu membo ose a va vi hanguila. Lihakelenu kapandi ka ku lania vantu va mue ku longesa Mbimbiliya, va mue ku hilukila, vakuenu vakua vipanga, vavusoko na vakua sikola mu ku va hana cilanio ni ku va lekesaco mu jw.org.
3. Vati tu hasa ku vueza ku cipanga cetu ca ku ambulula mu vingonde via Março na Abril?
3 Vupioneiro vua ku Kuasa: Ntuima i ka tu sindiya ku vueza ku cipanga ca ku ambulula. Mua vusunga, va vengi va ka linga vupioneiro vua ku kuasa mu vingonde via Março na Abril, muomu citava ku hangula vupioneiro vua viola 30. Mu ku lemesa cenu mu vusoko citava mu ka simutuile na ku vundila mu mone vati mu hasa ku lingamo. (Visimo 15:22) Ntuima yenu mu cipanga eci i hasa ku hana vakuenu ngolo ya ku vueza ku vipanga viavo. Nga mu alulula vimo viprograma vienu linga mu vueze ku cipanga ca ku ambulula, mu ka temunuina ntuima ya Yesu.—Mako 6:31-34.
4. Vilunguiso vika vie ku iza mu ku temunuina ntuima ya Yehova na Yesu?
4 Ku temunuina ntuima ya Yehova na Yesu mu ntsimbu ya Mulalelo, ci ka tu nehela vivezikiso via vingi. Muomu vantu va vengi mu membo va kevua muzimbu ua cili. Kaha eci ci ka tu vuisa ndzolela na ku vezika ca kala mu ku pangela Yehova na mu ku hana. (Vilinga 20:35) Cikumakuma, tu ka vuisa Yehova Njambi yetu ndzolela hamo lika na Muaneni.