Lihakelenu Vizango via mu Lutsilielo ha Ntsimbu ya Mulalelo

Muaka ku muaka, vangamba va Yehova ve ku likungulula ku Mulalelo. Ntsimbu kanda Mulalelo u hete na mu nima yaco, tue ku uana vukovelelo vua ku sangaziala na ku santsela Yehova omo lia vuana vua cikombelo. (Efe. 1:3, 7) Ca ku muenako, tue ku lania vakuetu ku Mulalelo. Mu vingonde via Março na Abril, vamo ve ku lihakela vizango via kupua vapioneiro va ku kuasa mu ku hana vi ola via ku pua 30 ni 50. Vuno nenu mu tonda ku vueza ku cizango cenu ca ku ambulula mu ntsimbu ya Mulalelo ni? Vika vi hasa ku mi kuasa ku lingamo?

Mua vusunga, tu hasa ku puisamo viuma via vingi nga tu livuahesela vualumo. (Visi. 21:5) Nga Mulalelo u lingila ku heta, ya pua ntsimbu ya cili ya ku lihakela vizango via mu lutsilielo. Singaniekenu vati mu hasa ku vueza ku cipanga cenu ca ku ambulula mu ntsimbu ya Mulalelo. Sinaniekenu naua ha viuma vi mua pande ku linga mangana mu puisemo vizango vienu. Kaha vundilenu Yehova a vezikise kapandi kenu.—1 Yoa. 5:14, 15.

Mua singaniekaho ha vimo vinjila vi mi kuasa ku vueza ku cipanga cenu ca ku ambulula mu ntsimbu ya Mulalelo ni?