Lihungu lia ku Lilongesa

Lilongesenu ku Patekela ‘Miaso ya mu Lutsilielo’

“Mu nje ku pinda na visinganieka via ku livua vungoco, Yehova ue ku nji kaniamesa ku hitila mu miaso ya mu JW Broadcasting^®.”—Lorraine, E.U.A.

Tundeko, ‘miaso ya mu lutsilielo’ ya pua mutamba ua ku lemesa cetu Vakua Kilistu. (Kolo. 3:16) Nga mu lilongesa ku patekeya miaso yaco, eci ci ka mi kuasa mu ntsimbu ka mu ka kala na mukanda ua miaso ni telefone cipue tablet. Vimamuna vi na hatako vi hasa ku mi kuasa ku patekeya miaso.

• Tandenu mezi a muaso na civando linga mu ivuisise muzimbu uliho. Ku lingamo ca pua ca seho, muomu ca casi ku vuluka muzimbu, nga u na tu lomboloka vuino. Mezi a miaso yetu yose, hamo lika na miaso ya vanike, mu hasa ku i uana mu saiti jw.org. Ya kala ha mutamba Mikanda, kaha mu nima yaco ha Miaso.

• Ku soneka mezi a muaso. Ku lingamo, ci hasa ku mi kuasa ku patekeya mezi aco.—Ndeu. 17:18.

• Ku tumbula-tumbula muaso na lizi lia kama. Puenu na ku tanda ni kuimba muaso na lizi lia kama.

• Ku seteka vuongo. Setekenu ku vuluka mezi ca ku hona ku tala ha lipapelo, mu nima yaco talenuho mu mone nga muli na ku hasa ku a vuluka vuino.