Cimona

Ku Muesa Cikeketima ku Vose

Tangua limo, umo ndumbuetu ku Nova Zelandia ua talele imo video mu saiti jw.org, ya muesa ngecize Yehova ke ku ivua lika cikeketima vunoni ue ku ci muesa naua. (Isaya 63:7-9) Ngeci ua likuminyine ku pangesa via lilongesele mu ku tonda vinjila via ku kuaselamo vantu. Kaha ku cinguezi mua ile mu ku landa via-ku-lia via ha ndzivo, ua uanene umo mpuevo ka kele na ndzivo. Kaha ua mu ihuile nga citava a ka mu landeleko vimo via ku hitisa mu kanua. Mpuevo uaco ua tavele. Ngeci ndumbuetu ua ile. Mua hilukile na via-ku-lia, ua pangesele vukovelelo vuaco mu ku ambuluila uze mpuevo na tratado Tangua Tuyando tu ka Hua Ni?

Mpuevo uaco ua putukile ku lila. Kaha ua lekele ndumbuetu ngueni, neni ua kolelele mu vusunga vunoni ka hetele ha ku pua Mukaleho, ngeci ua sile vusunga miaka ya ingi ku nima. Vunoni amo matangua ku nima ua kele na ku vundila kuli Yehova a mu kuase ku hiluka kuli ikeye. Ngeci ndumbuetu ua mu hele Mbimbiliya na ku likuminia vilongesa.a

Tu hasa ku tambuluisa Yehova, mu ku muesa cikeketima ku vantu nkala, vavusoko vuetu na vamuanetu. Kaha tu hasa ku muesa cikeketima, mu ku tonda vukovelelo vua ku ambulula.