CILONGESA 11

Ndzandzu

Loma 12:11

VITONDEKA: Vundulenu na ku sambeya cizango ca vakua ku mi halakana na ndzandzu.

Cimpande ca pande ku mi heta ku mutima. Omo mu liviukisila singaniekenu cikuma ha seho ya cimpande ni muzimbu u mu ka hana. Tantekeyenu vuino muzimbu uaco linga mu ka hase ku zimbula vuino ku tundilila ku mutima.
Singaniekenu ha vakua ku mi halakana. Singaniekenu ha vati mizimbu i mu ka tanda i ka kuasa vakuenu. Tondenu cifua ca ku ka lekesa muzimbu uaco mu njila i ka va heta ku mutima na ku u haka seho.
Kati mu longese mu cifua ci vuisa vulenda. Handekenu na ndzandzu. Pangesenu vilio via muvila uenu mu cindambo, ci solola vati muli na ku livua.

Zangamenu ku tina vuise mu pangesa vilio vienu mu cifua cimo ntsimbu yose. Pangesenu vilio vienu mu cifua ci kuata ku mutima. Muesenu ndzandzu cikuma-kuma nga mu tsindika ha vinanga via ntsindo na ku sambeya vakua ku mi halakana va lingeho mumo. Kati mu vuise cimpekete vakua ku mi halakana mu ku handeka na ndzandzu ku sua kumo tunde ku vuputukilo na ku ntsongo.