CILONGESA 12

Ngozi na ku Lihaka mu Cihela ca Vakuenu

1 Tesalonika 2:7, 8

VITONDEKA: Lingisenu vakua ku mi halakana va mone ngecize mua va lema kaha mu tonda ku va kuasa.

Singaniekenu ha vakua ku mi halakana. Viukisenu mutima uenu kati mu suve visoti vi vali na ku hita. Singaniekenu vati vali na ku livua.
Hangulenu vuino mezi enu. Vutumbe vuenu vu pue, ku kaniamesa na ku kolesa vakua ku mi halakana. Kati mu tumbule mezi a hasa ku va vuisa matoto, kaha kati mu handeke mua ku pihia vaze ka va tsilielele muli Yehova ni va tsiliela.
Muesenu ngecize mua va haka seho. Na lizi lia ngozi na civovo na ku pangesa vilio, muesenu vakua ku mi halakana ngecize mua va haka seho. Zitulenu vuino cihanga cenu, zolenu kavundende.

Kati mu likakateye ku muesa vize ka muesi na ku ivua ku mutima ni nga ku vili kati mu vi muese mu ku hianesamo. Omo mu tanda mezi, muesenu vi muli na ku ivua, vunoni kati mu lingise vantu va tuale mana kuli enu. Setekenu ku handeka na lizi lia ngozi na cilemo.