Tlen kichiua ma tiyolpakikaj

1. Nelia tlauel niyolpaki,

tlauel kuali nijyolmati.

ToTeotsij kintlapejpenijtok

katli kichiuaj tlen kuali.

ToTeotsij nechmakatok Biblia,

uan kiampa nechpaleuijtok.

Nochi tlen nopaya nijpoua

kichiua ma niyolpakto.

Tlen na nijyolmati axtlamis,

uan axkema nimajmauis.

Uan maske nijpias kuesoli,

Jehová tlauel nechpaleuis.

2. Nochi tlen Jehová kichijchijki

kichiua ma niyolpaki.

¡Tlauel yejyektsi iluikaktli,

Tlaltipaktli uan ueyi atl!

Moneki titematiltisej

ajkia toTeotsij Jehová,

uan tlake tlamantli kichiuas

kema yaya tekichiuas.

Kichiuas ma tiyolpakikaj

uan kuali ma tiitstokaj.

Nelia tlauel techteochiuas

uan tiyoltosej nochipa.