Kintlapojpoljuik inintlajtlakoljuaj katli uejkajkia itstoyaj

Jehová ueli techtlapojpoljuia totlajtlakoljuaj pampa Jesús kiixtlajki totlajtlakoljuaj ika ieso (Efes. 1:7). Maske tijmatij nopa, Biblia kiijtoua: “Dios kipixki iyolo uan yeka kintlapojpoljuik inintlajtlakoljuaj tlen uejkajkia” (Rom. 3:25). Ni kiijtosneki Jehová pejki kintlapojpoljuia inintlajtlakoljuaj katli uejkajkia itstoyaj, maske Jesús ayamo temaktiliyaya inemilis. ¿Kenke Jehová uelki kiampa kichiua?

Kema Jehová kitenkajki ualaskia katli kinmakixtiskia nochi katli tlaneltokaskiaj ipan ya, kimatki kejuak ya mochijtoya (Gén. 3:15, TNM; 22:18). Jehová motemachiyaya kema asiskia tonali, iKone kinekiskia temaktilis inemilis (Gál. 4:4; Heb. 10:7-9, 10:10, TNM). Kema Jesús itstoya ipan Tlaltipaktli, kintlapojpoljuiyaya inintlajtlakoljuaj katli motemachiyayaj ipan ya, maske ayamo temaktiliyaya inemilis (Mat. 9:2-6).