UIKATL 117
Ma tijchiuakaj tlen kuali
(2 Crónicas 6:41)
1. ToTeko ta tixitlauak
uan tlauel titemachtli.
Nochi tlen ta tijchijchijki
eli tlauel yejyektsi.
Maske titlajtlakolejkej
tlauel titechtlasojtla;
yeka nochipa tijnekij
timitsueyichiuasej.
2. Nochipa nitematiltis
nochi tlen ta tijchiuas,
kiampa nochi kimatisej
tlauel kuali moyolo.
Toikniuaj uan moTlajtol
tlauel techpaleuiaj,
techyakanaj uan nojkia
tlauel techyolchikauaj.
3. ToTeotsij xitechpaleui
tijchiuasej tlen kuali,
kiampa nochi kiitasej
tijchiuaj sanse kej ta.
Tlaj tijchiuasej tlen kuali
uan titeiknelisej,
ta nochipa tiyolpakis
uan kuali titechitas.
(Nojkia xikita Sal. 103:10; Mar. 10:18; Gál. 5:22; Efes. 5:9).