TLAMACHTILI 18

Xikinnextili kenijkatsa kinpaleuis tlen tikinmachtis

1 Corintios 9:19-23

TLEN MONEKI TIJCHIUAS: Xijchiua katli mitstlakakiliaj ma moyoliljuikaj ipan nopa tlamachtili, kiampa kimatisej momachtijkej se tlamantli tlen tlauel ipati.

¿KENIJKATSA TIJCHIUAS?

Ximoiljui tlake ya kimatij katli mitstlakakilisej. Amo san xikijto tlen achtouia ya moixtonki, xikinpaleui ma kimatikaj sekinok tlamantli.

Maske tikijtos se keski tlamantli tlen inijuantij ya kimatij, xijchiua kampeka kuali tikixtomas tlen ayamo kimatij.
Xijtemo sekinok tlamachtili uan ximoyoliljui. Kema tikixtomas tlen tlauel ipati, xijchiua kampeka tikijtos se keski tlamantli tlen katli mitstlakakiliaj amo kema kikaktoyaj o amo moiljuijtoyaj ipan nopa tlamantli. Ximoiljui ipan nopa tlamachtili tlen tikixtomas uan xikita tlaj mouika ika nopa sekinok tlamachtili tlen tijtemok.

Kema timokualchijchiuas ika nopa tlamachtili tlen tikixtomas, uelis timotlajtlanis: “tlake, kenke, kema, kanke, ajkia uan kenijkatsa”. Kuali tikixtomas motlamachtil tlaj tijnankilijtias se keski tlen ni tlajtlanili.
Xikinnextili kenijkatsa kichiuasej ipan ininnemilis. Xikinixtomili kenijkatsa tlen Biblia kiijtoua kinpaleuis ipan ininnemilis. Xikijto ipan tlake tlamantli kinpaleuis tlaj kichiuasej tlen tikinmachtia.