Ma tiitstokaj ininuaya katli kiikneliaj Jehová

¿Kenke moneki tiitstosej ininuaya katli kiikneliaj Jehová? Pampa touampoyouaj uelis kichiuasej kuali ma timonejnemiltikaj o amo (Pr 13:20). Ma timoiljuikaj tlen kipanok tlanauatijketl Joás (o Jehoás), ya “kichijki nochi tlen xitlauak iixpa Jehová” kema itstoya iuaya sumo sacerdote Joiada (o Jehoiadá) (2Cr 24:2). Kema Joiada mijki, Joás kitlauelkajki Jehová pampa kinpixki amo kuali iuampoyouaj (2Cr 24:17-19).

Ipan achtoui siglo, Apóstol Pablo kiixnextik nopa tlanechikoli kejuak se “ueyi kali” kampa ‘onkayaya miak tlamantli’. Tojuantij tielij kejuak nopa “uajkali” tlen ‘kitekiuiaj ipan se kuali tekitl’, kema amo timouampojchiuaj ika maseualmej katli kichiuaj tlamantli tlen amo kipaktia Jehová, maske kemantika elij tochampoyouaj o toikniuaj (2Ti 2:20, 21). Yeka, ma timouampojchiuakaj ininuaya katli kiikneliaj Jehová uan katli techpaleuiaj kuali ma tijtekipanokaj.

ACHTOUI XIKITA NOPA VIDEO AMO MA TIKINPIAKAJ AMO KUALI TOUAMPOYOUAJ, UAN TEIPA XIJNANKILI NI TLAJTLANILI:

• ¿Kenijkatsa uelis kemantika timouampojchiuasej ininuaya katli amo kiikneliaj Jehová?

• ¿Tlake kinpaleuik nopa eyij toikniuaj ayokmo ma mouampojchiuakaj ininuaya katli amo kiikneliaj Jehová?

• ¿Tlake textos uelis techpaleuis kuali ma tikintlapejpenikaj touampoyouaj?