TLAMACHTILI 5

Xijpoua nochi kej ijkuilijtok

1 Timoteo 4:13

TLEN MONEKI TIJCHIUAS: Chikauak xitlapoua uan xijpoua nochi kej ijkuilijtok.

Kuali ximokualchijchiua. Ximoiljui kenke moijkuilok nopa tlapoualistli. Amo xijpojtia sesentsitsij tlajtoli, ximomachti tijpouas miak pamitl. Xijchiua kampeka amo tijpiuilis, tijkixtilis o tijpatlas se tlajtoli. Xijpoua kej kinamiki kampa tikitas se coma, se punto o kampa kinamiki kakistis kej tlajtlanili.

Xikiljui se mouampo ma mitstlakakili kema titlapouas uan ma mitsiljui tlake tlajtoli amo kuali tijpojki.
Kuali xijtenkixti tlen tijpouas. Tlaj amo tijmati kenijkatsa moijtoua se tlajtoli, xijtekiui se diccionario, xijtlakakili nopa grabación tlen nopa amatlajkuiloli tlen tijpoua o xikiljui se akajya katli kuali tlapoua ma mitspaleui.
Kuali ma kakisti tlen tijpouas. Kuali xijtenkixti sejse tlajtoli, xijtlananto motsonteko uan kuali xijtlapo mokamak. Xijchiua kampeka kuali tijtenkixtis nochi sílabas ipan sejse tlajtoli.

Maske tijchiuas kampeka kuali tijtenkixtis se tlajtoli, xijchiua kej kinamiki uan kiampa kuali kakistis.