Xijpatlatia motoskak

Hechos 16:28

TLEN MONEKI TIJCHIUAS: Xikamanalti chikauak o yamaktsi, xijpatlatia motoskak uan xikamanalti yolik o xiisiui, kiampa tlen tikinmachtia asis ipan ininyolo.

¿KENIJKATSA TIJCHIUAS?

• Xikamanalti chikauak o yamaktsi. Xikamanalti chikauak kema tijnekis tijpankixtis se tlamachtili tlen tlauel ipati o kema tijnekis tikinyololinis ma kichiuakaj se tlamantli. Nojkia kiampa xijchiua kema tijpouas kampa se akajya tetlajtolsenkaua. Uan yamaktsi xikamanalti kema tijpouas se akajya majmauiyaya o motekipachojtoya.

• Xijpatlatia motoskak. Xijpatlatia motoskak kema tijnekis tijnextis tiyolpaki, kema tikijtos iuexka se tlamantli o iuejkaka. Nojkia xijpatla motoskak kema tijnekis tijnextis timokuesoua o timotekipachoua.

• Xikamanalti yolik o xiisiui. Kema tijnekis tijnextis tiyolpaki, achi xiisiui xikamanalti. Uan kema tikijtos se tlamantli tlen tlauel ipati, yolik xikamanalti.