UIKATL 24
Ma titlejkokaj ipan itepe Jehová
Xijpatla kej nesi
(Isaías 2:2-4)
1. Tlauel uejkapantik
eli itepe Jehová.
Nochi xikitakaj nama
tlauel pankisa.
Katli nepa yauij
kiniljuiaj sekinok:
“Nikaj xiualakaj
uan xitlaneltokakaj”.
ToTeotsij kiijtok
tlauel momiakiliskiaj.
Ipan ni tonali
nelia techteochijtok Jehová.
Miak maseualmej
toTeotsij kinyakana,
yeka inijuantij
kipiaj yolseuilis.
2. Cristo technauatik:
“Xitlajtolmoyauakaj;
nochi xikinmachtikaj
toTeotsij iTlajtol.”
Ipan iluikaktli
Jesús tlanauatia.
Yaya techmakas miak
tlateochiualistli.
Nijneki nijchiuas
nopa tekitl tlen ya nechmakak,
kej nopa miakej
kiueyichiuasej toTeotsij.
Nochi katli kualmej
nias nikiniljuiti:
“Ipan itepe toTeotsij
ma titlejkokaj”.
(Nojkia xikita Sal. 43:3; 99:9; Is. 60:22; Hech. 16:5).