UIKATL 48
Nochipa ma tinemikaj iuaya Jehová
Xijpatla kej nesi
(Miqueas 6:8)
1. Nochipa ma tinemikaj
san iuaya toTeotsij Jehová.
Tlaj inechka tinemisej,
nelia tlauel tipakisej.
ToTeotsij techiknelia,
uelis tijnechkauisej.
Tonemilis tijmakakej
ika miak pakilistli.
2. Satanás tlauel kualantok
uan kineki techkajkayauas.
Pampa nechka kimiktisej,
ya techtlaijiyouiltia.
ToTeotsij techmanauia
uan axkema techkauas.
Tijnekij tikiknelisej
uan iuaya tinemisej.
3. ToTeotsij techiknelia
yeka techmakatok iTlajtol,
itonal, itlanechikol
uan kikaki totlamaijtol.
Tlaj iuaya tinemisej,
tijchiuasej tlen kuali,
amo tijtlauelkauasej
uan nochipa tipakisej.
(Nojkia xikita Gén. 5:24; 6:9; 1 Rey. 2:3, 4).