Tein kipia

Taixmatilis amo techpaleuis komo amo tiktekitiltiaj. Sayoj ke moneki tikpiaskej yolyemanilis tein techpaleuis maj tikchiuakan tein timomachtiaj. Nejin tamachtilis technextilis keniuj uelis tikchiuaskej kemej itekitikauan Dios akin nenkej ne uejkauj uan kinnojnotskej nochi tataman taltikpakneminij, ininka motataujtijkej oksekin uan takuaujtamatkej ke Jiova kinpaleuiskia.

Itech nejin tonalmej tein semi ouijkej, kuejmolmej uelis kichiuaskej maj tiyolkuetauikan. Jiova uan Jesús techpaleuiaj maj titaxikokan, sayoj ke tinochin moneki timoyolseuiskej uan timoyolchikauaskej se uan okse. Nejin tamachtilis techmelauilis keniuj tikchiuaskej.

Jiova yejua Dios akin yolpaki uan kineki maj tiitekitikauan tiyolpakikan. ¿Keniuj uelis tiksentokaskej tiyolpakiskej maski tikpanoskej ouijkayomej itech nejin taltikpak kampa Satanás taixyekantok? Itech tanojnots tein kitemakak itech se tepet, Jesús ika tajtoj miak taman tein uelis techpaleuis.

Itech nejin tonalmej, taltikpakneminij okachi sayoj inintech tanemiliaj. Sayoj ke, itekitikauan Jiova yekmelauj tetasojtaj. Se taman kemej kinextiaj ininnetasojtalis yejua keman kinajsikamatij uan inintech tanemiliaj oksekin. Itech nejin ome tamachtilismej, tikitaskej keniuj Jiova techajsikamati uan keniuj uelis tikchiuaskej kemej yejuatsin.