¿Kichiuas iTaixyekanalis Dios maj amo kisentoka moijtako taltikpak?

“Kemej semi momachilia totonik oso tel kioui, kinijtakojtok akin nemij kampa yeski uan akin nemij itech altepemej uan nochi tein yoltok itech taltikpak. Nejin chikauak totonik tein momachilia kichiua maj chikauak kiouaejeka uan kiixpoloua kalmej uan ixpoliui tein ika uelis se moixpanoltis. Nejin chikauak totonik no ajsi itech ueyiamej uan uelis kiixpolos miak taman tein yoltok ompa” (Inger Andersen, Secretaria General Adjunta de las Naciones Unidas y Directora Ejecutiva del Programa de las Naciones Unidas para el Medio Ambiente, 25 de julio de 2023).

¿Se tonal tekiuanij mosenpaleuiskej para kichiuaskej maj amo kisentoka moijtako taltikpak? Uan tein okachi moneki, ¿uelis kichiuaskej maj senkis moyektali uan maj kualtsin tinemikan?

Biblia techiluia ke moajsi se taixyekanalis tein kineki uan uelis kiyektalis tein axkan kijtakouanij taltikpak. Kijtoua ke “Dios akin nemi iluikak kiixtalis se taixyekanalis” tein kitamis ouijkayomej tein axkan tikpanouaj nikan taltikpak (Daniel 2:44). Uan nejon tonalmej, “amo taijtakoskej nion tauejueloskej” nikan taltikpak (Isaías 11:9).