¿Yekmelauj Olimpiadas uelis tapaleuis maj nochin kuali mouikakan? | ¿Toni kijtoua Biblia?

Itech xiuit 2024, kemej 5,000 millones kiitaskej Juegos Olímpicos de Verano, kampa mauiltiskej de 206 países uan xolalmej. Thomas Bach, akin kiixyekana Comité Olímpico Internacional, kijtoj: “Tietotij itech se neauiltilis tein tapaleuis maj nochin kuali mouikakan”. Uan no kijtoj: “Maj timouelitakan ika nejon tein tiknejnekij maj nochin yolseujkanemikan uan maj amo xexeliujtokan maski tatamamej”.

¿Uelis Olimpiadas tapaleuis maj nochin kuali mouikakan? ¿Uelis se tonal yekmelauj yolseujkanemiskej nochin uan kuali mouikaskej?

¿Tapaleuiaj maj nochin yolseujkanemikan uan maj kuali mouikakan?

Juegos Olímpicos de nejin xiuit amo sayoj se neauiltilis. Ta no onkak kuejmol ika derechos humanos, motelita ke mochikoitaj, ke amo moyekitaj porin tataman taneltokalis kipiaj uan porin tataman kemej nemij.

Keman mochiua uejueyi neauiltilis kemej Olimpiadas, ueli ika moixpetaniaj. Sayoj ke no nejin taman neauiltilis kichiua maj monexti keniuj tanemiliaj miakej oso kinuika maj kichiuakan seki taman tein amo kinpaleuia maj kuali mouikakan, ta kinxexeloua.

Biblia kijtojka keniuj axkan miakej monejnemiltiskiaj uan keniuj tanemiliskiaj, uan nejon kichiuaskia maj ouij kuali mouikakan (2 Timoteo 3:1-5). Para tikonmatis okseki taman tein Biblia kijtojka de nejin taman, xikonlero tamachtilis “¿Predijo la Biblia cómo sería la gente en nuestros días?”.

Tein kichiuas maj nochin yekmelauj yolseujkanemikan uan maj kuali muikakan

Biblia techtapouia ke se tonal nochin kuali mouikaskej uan amo xexeliujtoskej. Kijtoua ke nochin kuali mouikaskej keman yetos se taixyekanalis tein moixmati kemej “iTaixyekanalis Dios” (Lucas 4:43; Mateo 6:10).

Uan moajsi se Tekiuaj itech nejon Taixyekanalis. Yejua kichiuas maj yolseujkanemikan itech nochi taltikpak. Biblia kijtoua:

•  “Akin yolmelauak kualtsin nemis, nochin kualtsin yolseujkanemiskej” (Salmo 72:7).

•  “Yejua kimakixtis pobre akin tsajtsi maj kipaleuikan [...]. Kinmakixtis de akin kintajyouiltia uan kinkojkokoua” (Salmo 72:12, 14).

Itech nejin tonalmej, tein Jesús tamachtij kinpaleuiani millones itech 239 países uan xolamej maj kuali mouikakan. Itaixpantijkauan Jehová kichiuaj kemej Cristo, uan momachtianij keniuj kuali mouikaskej. Para tikonmatis keniuj kichiuanij, xikonlero amaix Tanejmachtijkej tein itokay “Uelis tikchiuaskej maj motsakuili netauelitalis”.