¿Tlen timokuayejyekoa?

¿Mitspaleuis Biblia ximouika iuan toTajtsin Dios?

SEKIMEJ KINELTOKAJ

Sekimej kineltokaj amo uelis mouikaskej iuan toTajtsin Dios porque kimachiliaj sapanoa otlajtlakolchijkej. Oksekimej kijtoaj toTajtsin Dios amo totech motekipachoa. ¿Tlen timokuayejyekoa?

BIBLIA KIJTOA

ToTajtsin Dios mouika iuan akinmej yolmelauakej (Santiago 2:23). Iuan timouikaskej tla tiktlakamatij.

¿TLEN OKSEKI KIJTOA BIBLIA?

ToTajtsin Dios kineki iuan ma timouikakan (Santiago 4:8).
ToTajtsin Dios kipatioita touan mouikas, ik non, kineki techpaleuis uan techtlapojpoluis (Salmo 86:5).
Akinmej mouikaj iuan toTajtsin Dios kikokoliaj tlen ye kikokolia uan kitlasojtlaj tlen ye kitlasojtla (Romanos 12:9).

Tla tikneki tikmatis okachi, xikita nin amochtli itech tlamachtil 12, ¿Tlen melauak tlamachtia Biblia?, tlen kichijchiuaj iTlaixpantijkauan Jehová. Noijki uelis tikkixtis itech www.jw.org/ncx.