Tlamachtilmej para Toteki akinmej tikchiuaj ken Cristo
4-10 DE MARZO
KEN TECHPALEUIA BIBLIA | ROMANOS 12-14
“¿Tlen kijtosneki titetlasojtlaskej ken Cristo?”
(Romanos 12:10) Ximotlasojtlakah non nochteh kemi nonmiknimeh, iwa okachi ximosepantlasojtlakah nomejwah akimeh non kineltokah Cristo.
“Nochipa matimosepantlasojtlakah kemi tiiknimeh”
5 ¿Tlen kijtosneki “matimosepantlasojtlakah”? Nin tlajtoli kijtosneki tlasojtlalistli tlen tikinpialiaj tokalchanejkauan noso toyolikniuan (Juan 11:36). Akinmej tikchiuaj ken Cristo amo san tikijtoaj tiiknimej. Tejuan melauak tiiknimej (Mateo 23:8). Tlatitlanil Pablo okijto: “Ximotlasojtlakah non nochteh kemi nonmiknimeh, iwa okachi ximosepantlasojtlakah nomejwah akimeh non kineltokah Cristo” (Romanos 12:10). Ninmej tlajtolmej kiteititiaj moneki sapanoa ma timotlasojtlakan. Tla timotlasojtlaj, timochiuaskej tiyoliknimej uan san sekan tiyetoskej.
(Romanos 12:17-19) Tla aka nomechtoktia itla amokuali, nomejwah amo xikmokopilikah, yej nochipa xikchiwakah tlan kuali inmixpa n nochteh. 18 Asta kan weletis, nomejwah xiktemolikah kenijki nonmoyekwikaskeh ika yolsewílistli iwan nochteh. 19 Notlasojikniwah, tla nomechtoktiah tlan amokuali, amo san nomejwah ximomakopakah, yej xikkawilikah Dios, Ye, [ma momakopa]. Porke n tiotlajkuíloli kijtoa: “Sanwel Ne [nimomakopas]; Ne nitetlaxtlawis, kijtoa n Toteko.”
“Ma tikteititikan melauak titetlasojtlaj”
14 Ma tikpiakan yolseuilistli iuan tokniuan. Moneki ma tikpiakan yolseuilistli iuan tokniuan uan noijki ijkuak techchiuiliaj itlaj tlen amo kuali (xiktlajtolti Romanos 12:17, 18). Tla ikaj tikyolkokoaj, ma tikiluikan ika nochi toyolo ma techtlapojpolui. Se neskayotl, tla ikaj otikkualanijkej amo ma tikiluikan: “Techtlapojpolui nesi otikualanki”. Okachi kuali, ma tikselikan totlajtlakol uan ma tikijtokan: “Techtlapojpolui onimitskualani”. Noijki miak ipati ma kipiakan yolseuilistli akinmej yomonamiktijkej. Amo kuali tla teixpan kiteititiaj motlasojtlaj uan ijkuak katej inselti mouijuikaltiaj noso mouitekij.
w07-S 1/7 pág. 24 párrs. 12, 13
“Tla aka nomechtoktia itla amokuali, nomejwah amo xikmokopilikah”
12 Tlatitlanil Pablo okijto moneki ma tikintlakaitakan nochtin tokniuan uan noijki akinmej amo kitekichiuiliaj Jehová. Ye okijto: “Tla aka nomechtoktia itla amokuali, nomejwah amo xikmokopilikah”. Noijki achto yokijtojka: “Xiktlawelitakah nochi tlan amokuali”. Non techmachtia, tla timomakopaj, amo uelis tikijtoskej tikixtopeuaj tlen amo kuali. Tla ijkon tikchiuaj, kijtosneki tikpiaj ome toixko. Pablo okijto: “Nochipa xikchiwakah tlan kuali inmixpa n nochteh” (Romanos 12:9, 17). ¿Ken techpaleuia tlen okijto Pablo?
13 Achto, tlatitlanil Pablo yokinmijkuililijka se carta tokniuan tlen ochantiayaj Corinto. Ompa okijkuilo tlatitlanilmej okintlajyouiltiayaj. “Nochteh techmawisoah, asta n ángelteh iwa n tlaltikpaktlakah. [...] Ijkuak n tlakah fiero techtenewah, tejwah tiktlatlaujtiah Dios makintiochiwa, ijkuak [techtlajyouiltiaj] tejwah tikxikoah” (1 Corintios 4:9-13). Axkan miakej kinekij techchiuiliskej tlen amo kuali. Ijkuak oksekimej kitaj tikchiuaj tlen kuali maski techtlajyouiltiaj, non kinpaleuia ma techkakikan ijkuak tikintlapouiaj (1 Pedro 2:12).
(Romanos 12:20, 21) N tiotlajkuíloli noiwa kijtoa: “Tla mokokolikni apismiki, xikmaka tlan kikuas; iwa tla amiki, xikmaka maatli. Porke tla ijkó tikchiwas, ye pinawatinemis.” 21 Amo xikmokawili mamitstlani tlan amokuali, yej ika tlan kuali xiktlanili tlan amokuali.
w12-S 15/11 pág. 29 párr. 13
“Ximosepantlapojpolwikah”
13 Ualeua akin omitsyolkoko satepan xamo kinekis kichiuas tlen kijtoa Biblia. Tlatitlanil Pablo okijto: “Tla mokokolikni apismiki, xikmaka tlan kikuas; iwa tla amiki, xikmaka maatli. Porke tla ijkó tikchiwas, ye pinawatinemis. Amo xikmokawili mamitstlani tlan amokuali, yej ika tlan kuali xiktlanili tlan amokuali” (Rom. 12:20, 21). Tla tiktlakaita akin mitskokolia, non kipaleuis ma kipatla iyelis uan ayakmo mitstlajyouiltis. Tla tikajsikamati uan tikiknomati, xamo ijkon kinekis momachtis Biblia. Noijki tla tiyolyamanki uan kuali tiknankilia, kitas tiyolkuali (1 Ped. 2:12; 3:16).
Ma tiktemokan ken techpaleuia Biblia
(Romanos 12:1) Nokniwah, nomechtlatlaujtia ika iteiknomatilis Dios, ximotemaktikah nomejwah nomonewiah kemi se tlamíktili non yolitok, chipawak ijkó kemi Ye kipaktia. Ye ni tlan milák ipati inawak Dios.
¿Ken uelis tikpejpenaskej tlen ika timoyolpaktiskej?
5 Nochi tlen tikchiuaj itech tonemilis kipia tlen kitas itech ken tikueyichiuaj Jehová. Ijkuak Pablo okintlajkuilili akinmej ochantiayaj Roma, okitekitilti se tlajtoli pampa kinyolchikauas, okinmilui: “Nokniwah, nomechtlatlaujtia ika iteiknomatilis Dios, ximotemaktikah nomejwah nomonewiah kemi se tlamíktili non yolitok, chipawak ijkó kemi Ye kipaktia” (Romanos 12:1). Tikmakaskej totlalnakayo kijtosneki timotemakaskej ika nochi tokuayejyekolis, ika nochi toyolo uan ika nochi tochikaualis. Uan nochi nin tiktekitiltiaj pampa tikueyichiuaskej Jehová (Marcos 12:30). Pablo kijtoa tiktekichiuiliaj toTajtsin Dios ika nochi toyolilis ken se “tlamíktili”, noso timotemakaj itech. Nin tlajtoli itlaj technejmachtia. Pampa Tlanauatil tlen okijkuilo Moisés okijtoaya tla ikaj okitemakaya se yolkatl tlen mokokoa, toTajtsin Dios amo okiseliaya (Levítico 22:18-20). Noijki ijkon, akin kichiua ken Cristo tla amo chipauak kiueyichiua toTajtsin Dios, ye amo kiselis. ¿Ken uelis ijkon panos?
6 Pablo okinmilui akinmej okichiuayaj ken Cristo tlen ochantiayaj Roma: “Amo xiktemakakah nomokuerpo itech tlajtlákoli para kichiwas tlan amokuali”. Noijki okinmilui ‘makipojpolokah nochi tlajtlákoli tlan inkuerpo kichijtinemi’ (Romanos 6:12-14; 8:13). Achto otlajto itech seki neskayomej tlen “tokuerpo kichijtinemi”. Pampa tlaltikpaktlakamej tlajtlakolchiuaj okijkuilo: “Intlajtol tentok ika tlan amo kuali iwa tlan teyolkoko”. “Ika inmikxiwah motleloah para temiktiskeh.” “Iwa amo kilnamikih kox moneki se makiimakajsi Dios.” (Romanos 3:13-18.) Akinmej kichiuaj ken Cristo uelis kisokiotiskej ‘inkuerpo’ noso itlaj itech intlalnakayo ijkuak kichiuaj se tlajtlakoli. Se neskayotl, tla se tokni san ik kichiua kimauisoa tlen sokio, ken pornografía noso ijkuak sapanoa temomojti moteuiaj, ‘kitemakatok [iixtololouan] itech tlajtlákoli’ uan kisokiotia nochi itlalnakayo. Ik non, toTajtsin Dios amo kiselis ken se “tlamíktili” nochi tlen ika tikueyichiuaj, tla amo chipauak (Deuteronomio 15:21; 1 Pedro 1:14-16; 2 Pedro 3:11). Sapanoa tlajyouis pampa moyolpaktia ika tlen sokio.
(Romanos 13:1) Nochteh n tlakah moneki makintlakitakah n tekiwajkeh. Porke amo onka se tekiwa non Dios amo okitlali, porke nochteh n tekiwajkeh non axa tlanawatijtokeh, Dios okintlali.
w08-S 15/6 pág. 31 párr. 4
Tlen okachi ipati tlen omotlajtolti itech carta a los Romanos
13:1. ¿Tlen kijtosneki tlen kijtoa nin versículo? Kijtosneki toTajtsin Dios kinkauilijtok tekiuajkej ma tlanauatikan. Yiuejkika okijto yetoskiaj sekimej tekiuajkej uan okichi ma moijkuilo itech Biblia tlen kichiuaskiaj. Uelis tikijtoskej ye san okinkauili ma tlanauatikan.
11-17 DE MARZO
KEN TECHPALEUIA BIBLIA | ROMANOS 15, 16
“Ma tikiluikan Jehová ma techpaleui ma titlaxikokan uan ma techyolchikaua”
(Romanos 15:4) Nochi tlan yowejka omoijkuilo itech tiotlajkuíloli, omoijkuilo para matimoixtlamachtikah, para matikchiakah ika yolsewílistli tlan Ye yokijto techmakas.
“Xichokakah inwah akimeh chokah”
11 Amo san tlen okipanok Lázaro uelis techyolchikauas, onka itech Biblia okseki tlaxelolmej tlen noijki uelis techyolchikauaskej. Uan nin amo techtlajtlachialtia porque “nochi tlan yowejka omoijkuilo itech tiotlajkuíloli, omoijkuilo para matimoixtlamachtikah, para matikchiakah ika yolsewílistli tlan Ye yokijto techmakas” (Rom. 15:4). ¿Yomikik ikaj akin sapanoa tiktlasojtla? Tla ijkon ninmej tlaxelolmej mitsyolchikauaskej:
▪ “Jehová kajki inmiuan akinmej moyolkokoaj; ye kinmakixtia akinmej yolpatlachitokej” (Sal. 34:18, 19).
▪ “Ijkuak opejki sapanoa nimotekipachoa, Te otinechyolchika uan otinechyolseui” (Sal. 94:19).
▪ “Inewia n Toteko Cristo Jesús, sansikah iwa n Totajtsi Dios, Akin techtlasojtla iwa kichiwa matimochiakah ika pakílistli para tiaskeh inawak, kichiwa porke de milajka techiknomati, manomechyolchikawa iwa manomechmaka chikawálistli para xikijtokah iwa xikchiwakah nochipa tlan kuali” (2 Tes. 2:16, 17).
(Romanos 15:5) Iwa Dios, Akin teyolsewia iwa teyolchikawa, manomechpalewi para ximosepanyekwikakah, ijkó kemi Cristo Jesús kineki.
“Xiktemolikah kenijki nontlaxikoskeh asta iksemi”
5 Tikiluiskej Jehová ma techpaleui. Jehová ye “akin teyolsewia iwa teyolchikawa” (Romanos 15:5). Kuali techixmati uan kimati tlen techtekipachoa uan ken timomachiliaj. Ik non, san ye akin okachi kuali techpaleuis ma titlaxikokan. Biblia kijtoa: “Ye kinmaka tlen kinekij akinmej kimauiliaj; ye kinkaki ijkuak kitlatlaujtiaj ma kinpaleui uan kinmakixtia” (Salmo 145:19). Pero ¿ken technankilia Jehová ijkuak tiktlatlaujtiaj ma techpaleui ma titlaxikokan?
(Romanos 15:13) Iwa Dios Akin itech se moyolchikawa, manomechmaka miak pakílistli iwa yolsewílistli ijkuak itech nontlaneltokah, para nontentoskeh ika iweletilis n Espíritu Santo.
w14-S 15/6 pág. 14 párr. 11
“Xiktlasojtla Moteko Dios”
11 Jehová techiluia tlen kichiuas satepan, non techpaleuia ma tiyolpakikan uan ma tikpiakan yolseuilistli (Rom. 15:13). Tla tikilnamiktokej uelis nochipa tiyoltoskej, techpaleuis ma tikpiakan chikauak totlaneltokilis uan ma titlaxikokan ijkuak titlajyouiaj. Tlapejpenalmej yolmelajkej kiseliskej ‘korona ye n yankuik nemílistli’ (Apoc. 2:10). Oksekimej itekipanojkauan Jehová tlen noijki yolmelajkej yetoskej nochipa itech se xochitlali nikan tlaltikpak uan yolpakiskej (Luc. 23:43, TNM). Ijkuak tikmatij tlen kichiuas toTajtsin Dios, melauak tiyolpakij, tikpiaj yolseuilistli uan tiktlasojtlaj porque ye techmaka “nochi tlan kuali” (Sant. 1:17).
Ma tiktemokan ken techpaleuia Biblia
(Romanos 15:27) Yejwah okimolijkeh omonekia ijkó kichiwaskeh, porke okimachiliayah kinwikiliah miak; porke ijkó kemi n tlaneltokakeh judíojteh okitejtemakakeh tlan Dios okintliokoli innawak inmikniwah non amo judíojteh, ninteh moneki makinpalewikah n tlaneltokakeh judíos ika tlan yejwah kipiah.
w89-S 1/12 pág. 24 párr. 3
Omotak kox melauak otetlasojtlayaj
Akinmej amo okatkaj judíos kinpaleuiskiaj inmikniuan tlen okatkaj Jerusalén. Porque yejuan achto okinpaleuijkej, ijkuak okinmitatoj hasta inmialtepe para kinmachtiskiaj iTlajtol toTajtsin Dios. Pablo okijto: “Ijkon ken tokniuan judíos okinmatiltijkej kuali tlajtolmej akinmej amo judíos, noijki yejuan omonekiaya kinpaleuiskej judíos ika tlen kipiaj” (Romanos 15:27, Versión Popular).
(Romanos 16:25) Axa, matikweyilikah Totajtsi Dios, Akin weletis okachi nomechchikawas ika n kualitlájtoli non ne niktematiltia iwa itemachtilis n Toteko Cristo Jesús. Ye tlan yowejka amaka okimatia porke Dios ayamó okinekia makixmatikah,
it-2-S pág. 708 párr. 5
Mesías noso Cristo ye “ikone siuatl” uan ika ye kinteochiuaskej nochtin akinmej yolkualmej tlen chantiskej itech tlaltikpak (Gál. 3:8, 14). Ijkuak Adán uan Eva okixnamikej Jehová uan ayamo onesiaya Abel, toTajtsin Dios okijto tlen kichiuaskia ikone siuatl (Gén. 3:15). Opanok kanaj cuatro mil xiuitl uan omomatki tlen “amaka okimatia”, kijtosneki omomatki akin “ikone siuatl” noso Mesías. Non amikaj okimatiaya “porke Dios ayamó okinekia makixmatikah” (Rom. 16:25-27; Efes. 1:8-10; 3:4-11).
18-24 DE MARZO
KEN TECHPALEUIA BIBLIA | 1 CORINTIOS 1-3
“¿Timouikaj iuan toTajtsin Dios noso tikchiuaj san tlen tiknekij?”
(1 Corintios 2:14) Pero akimeh amo kipiah Iespíritu n Totajtsi Dios itech inyolo, amo kiseliah n ixtlamatílistli non Dios kitemaka ika Iespíritu, porke kimoliah san se kuatlapolojtok. Amo weletih kajsikamatih, porke non tlamachtílistli sanwel kajsikamatih akimeh kipiah n Espíritu.
¿Tlen kijtosneki tikpiaskej chikauak totlaneltokilis?
4 Achto ma tikitakan ken mokuayejyekoa “tlakatl katlej amo kipia iEspíritu in toTajtzin Dios”. Ijkon ken okijto Pablo, non tlakatl san kichiua tlen “kiwilita non tlanawatia kan ejekatl, iwa axa kinyakantok akimeh amo kitlakitah Dios” (Efes. 2:2). San kichiua tlen oksekimej kichiuaj. Ik non, kichiua tlen kita kuali uan amo mochijchikaua kintlakamatis itlanauatiluan toTajtsin Dios. San kitekipachoa ken kitaj oksekimej uan kineki kipias miak tlamantli noso okachi kipatioita tlen kineki kipias.
5 “Tlakatl katlej amo kipia iEspíritu in toTajtzin Dios” ‘kichiwa tlan kiyoltilana ikuerpo’ (Gál. 5:19-21). Ijkuak Pablo okinmijkuilili achto carta tokniuan tlen ochantiayaj Corinto, okijto seki tlamantli tlen kichiuaj akinmej amo kipiaj iespíritu toTajtsin Dios. Okijto san kanin mokajkalakiaj, kinekij kinxexeloskej oksekimej, amo tetlakamatij, kinteluiaj oksekimej inmixpan tekiuajkej, amo kintlakamatij tekiuajkej, sapanoa kinpaktia tlakuaskej uan tlakoniskej. Noijki amo kimoxikoltiaj tlajtlakoli (Prov. 7:21, 22). Judas okijto yejuan amo kipiaj iespíritu toTajtsin Dios (Judas 18, 19, TNM).
(1 Corintios 2:15, 16, NHY) Pero se tlakatl katlej kipia iEspíritu in toTajtzin Dios weli kimomaka kuenta nochi tlamantle kox kuale o noso amo kuale, iwan se tlakatl katlej mach kipia iEspíritu in toTajtzin Dios mach welis kilwis mach ijki tlan kichiwa nekáj tlakatl katlej kipia iEspíritu in toTajtzin Dios. 16 Porke in tiotlajkuilole kijta: “¿Akin kimati tlan Dios kiyejyekoa? ¿Akin welis kimachtis?” Pero tejwan katlej tikpiaj Espíritu Santo, tikpiaj itlayejyekolis in Cristo.
¿Tlen kijtosneki tikpiaskej chikauak totlaneltokilis?
6 Akinmej kipia iespíritu toTajtsin Dios okse tlamantli kichiuaj. Kipatioitaj mouikaskej iuan toTajtsin Dios uan mochijchikauaj kichiuaskej ken ye (Efes. 5:1, TNM). Kijtosneki mokuayejyekoaj ken ye uan kitaj nochi tlamantli ken ye kita. Kimatij melauak onka toTajtsin Dios. Itech nochi innemilis kintlakamatij itlanauatiluan Jehová (Sal. 119:33; 143:10). Mochijchikauaj kichiuaskej tlen poui itech espíritu santo uan amo kichiuaj tlen amo kuali (Gál. 5:22, 23). Ma tiktlalikan se neskayotl tlen techpaleuis ma tikajsikamatikan tlen kijtosneki tikpiaskej chikauak totlaneltokilis. Ijkuak ikaj kimati tlanemakas moixmati ken tlanemakak. Noijki ijkon akinmej kinekij kiyolpaktiskej toTajtsin Dios kipiaj chikauak intlaneltokilis.
¿Tlen kijtosneki tikpiaskej chikauak totlaneltokilis?
15 ¿Ken uelis tikchiuaskej ken Cristo? Itech 1 Corintios 2:16, NHY kijtoa ma tikpiakan “itlayejyekolis in Cristo”. Uan Romanos 15:5, NHY kijtoa ma ‘tikpiakan san se totlalnamikilis ijkón ken Cristo Jesús’. Ik non, tla tiknekij tikchiuaskej ken Jesús, moneki tikmatiskej ken iyelis, tlen mokuayejyekoa uan tlen kichiua. Jesús okachi okipatioitaya mouikas iuan iTajtsin. Okachi kuali timouikaskej iuan Jehová tla tikchiuaj ken Jesús. Ik non, moneki ma timokuayejyekokan ken Jesús.
Ma tiktemokan ken techpaleuia Biblia
(1 Corintios 1:20) ¿Kanin ka n ixtlámatki noso kanin ka n tlamachti noso non kimolia nochi kimati? Inmixtlamátilis n tlaltikpaktlakah, Dios okíkopki itech tlan tepinati.
it-2-S pág. 886 párr. 5
Ixtlamatilistli
Ixtlamatkej tlen amo okitekichiuiliayaj Jehová okixtopejkej tlen ye okitemakak ika Cristo Jesús uan okitayaj ken itlaj tlen amo kipia ixtlamatilistli. Maski intekiuajkej kuali otekipanoayaj uan kuali okipiayaj intlalnamikilis okimiktijkej toTeko Jesús (1 Cor. 1:18; 2:7, 8). Pero toTajtsin Dios okiteititi amo melauak ixtlamatkej porque okinpinaui ijkuak okichi tlen ye okinekiaya ika tlen yejuan okitayaj “amitla ipati”. Noijki okintekitilti akinmej okinmitayaj ken ‘amo ixtlamatkehʼ uan ‘amo chikawakehʼ (1 Cor. 1:19-28). Pablo okijto kitlajtlamiskiaj ixtlamatilistli “itech nin tlaltíkpaktli” uan inmixtlamatilis “akimeh tlanawatiah itech nin tlaltíkpaktli”. Non kiteititia ye amo otetlapouiaya itech non tlamantli (1 Cor. 2:6, 13). Noijki okinmilui tokniuan tlen ochantiayaj Colosas, amo ma mokajkayauakan ika fi·lo·so·fí·as [motlajtolkopa ken “kitlasojtlaj ixtlamatilistli”] uan ika “tlan kiyejyekoliah n tlaltikpaktlakah” (Col. 2:8; noijki xikinmita versículos 20-23).
(1 Corintios 2:3-5) Ijkuak onikatka nomowah onechpoloaya nochikawalis iwa satlawel onimawia. 4 Ijkuak onomechmatilti itemachtilis Cristo, amo oniknek nomechtlaneltoktis ika kuajkuali tlájtoli, yej ika ichikawalis n Espíritu iwa iweletilis Dios, 5 para ijkó nomotlaneltokalis matlakxilito itech iweletilis Dios iwa amo itech inmixtlamatilis n tlakah.
w08-S 15/7 pág. 27 párr. 6
Tlen okachi ipati tlen omotlajtolti itech carta a los Corintios
2:3-5. Ijkuak Pablo otetlapouito Corinto, xamo omotlajtlaniaya kox uelis kipaleuiskia ikaj ma tlaneltoka porque griegos okse tlamantli otlamachtiayaj. Ye otetlapoui ijkon ken toTajtsin Dios okinauati uan amo omomojti nion opinauak. Tejuan noijki amo ma timosotlauakan tla tikixnamikij itlaj tlen amo keman ijkon techpanoa. Ma tikchiuakan ken Pablo, ma tikiluikan Jehová ma techpaleui uan ma titetlapouikan kuali tlajtolmej itech Tekiuajkayotl.
25-31 DE MARZO
KEN TECHPALEUIA BIBLIA | 1 CORINTIOS 4-6
“San ika achitsi levadura kisamawa nochi n textli”
(1 Corintios 5:1, 2) Yomoma seme de nomejwah omonepano iwan ichawana. Nin se weyi tlajtlákoli, asta non amo kineltokah Dios mach para ijkó kichiwaskeh. 2 ¡Iwa maya ijkó nomejwah ok nonmoweyiliah! ¡Okachi kuali nonyetoskiah ika neyolkókoli! Akin okichi nin weyi tlajtlákoli xiktotokakah iwa ayakmó mamoseitili nomowah.
(1 Corintios 5:5-8, NHY) Iwan ijkuakón yon tlakatl xikmaktilikan in Satanás para ma kitlajyowilti itech itlalnakayo, para ma moyolkuepa. Iwan Dios kimakixtis iespíritu itech nekáj tonale nijkuak witz in toSeñor Jesús. 6 Amo ximoweyinekikan por tlan ankichiwaj porke yon mach kuale. ¿Amo ankimatij nik in levadura weli kisamawa nochi in tixtle maski kitlaliliaj san tzikitzin? 7 Xikixtikan nochi tlan amo kuale para amo xikinmijtlakokan in oksekimej. Iwan ijkón anyeskej ken pan katlej kikuaj in judiojtin itech ilwitl de pascua, katlej tlachiwale ika tixtle yankuik iwan mach kipia levadura. Namejwan melawak nik ankatej ken yon tixtle katlej mach kipia levadura, kijtosneki ya anchipawakej. Porke Cristo omikke por totlajtlakolwan ijkón ken nijkuak okimiktiayaj se ichkatzin itech ilwitl de pascua. 8 Ijkón kiné, ijkón ken judiojtin mach kikuaj in pan katlej kipia levadura itech ilwitl de pascua, tejwan noijki ma tikkawakan in tlajtlakole iwan nochi tlan amo kuale, iwan ma tinemikan ika melajkayotl iwan ika kuale toyelis inawak Dios.
(1 Corintios 5:13) Yika moneki xikkixtikah non tlajtlakole nomonawak.
it-2-S pág. 212
Levadura
Tlatitlanil Pablo noijki okitekitilti tlajtoli levadura ijkuak okinmilui tokniuan tlen okatkaj itech tlanechikol Corinto ma kikixtikan se tlakatl tlen oauilnemiaya. Ye okinmilui: “¿Amo ankimatij nik in levadura weli kisamawa nochi in tixtle maski kitlaliliaj san tzikitzin? Xikixtikan nochi tlan amo kuale para amo xikinmijtlakokan in oksekimej. [...] Porke Cristo omikke por totlajtlakolwan ijkón ken nijkuak okimiktiayaj se ichkatzin itech ilwitl de pascua”. Satepan okijto tlen kijtosneki tlajtoli “levadura” ijkuak okijto: “Ma tikkawakan in tlajtlakole iwan nochi tlan amo kuale, iwan ma tinemikan ika melajkayotl iwan ika kuale toyelis inawak Dios” (1 Cor. 5:6-8, NHY). Itech nin texto Pablo otlajtojtoka itech iluitl tlen okichiuayaj judíos, ijkuak okikuayaj pan tlen amo okipiaya levadura. Non okichiuayaj satepan ijkuak opanoaya iluitl Pascua. Ijkon ken levadura maski amo miak san niman kixokolia nochi tixtli tlen ika kichijchiuaj pan. Noijki ijkon nochi tlanechikol yetoskia ken sokio ixpan Jehová, tla amo kikixtiskiaj tlakatl tlen oauilnemiaya. Ijkuak israelitas oiluichiuayaj amo uelis kipiaskiaj levadura inkalijtik. Noijki ijkon tokniuan tlen ochantiayaj Corinto omonekiaya kikixtiskiaj “levadura” itech tlanechikol.
San sekan titekitij ken kijtoaj iTlajtol toTajtsin Dios
14 ITlajtol toTajtsin Dios kijtoa tlen moneki tikchiuaskej pampa itech tlanechikol amo ikaj ma tlajtlakolchijto. Ma timokuayejyekokan tlen opanok itech altepetl Corinto. Pablo sapanoa okintlasojtlaya tokniuan tlen ompa ochantiayaj. Sekimej ye okinmachti itech Biblia (1 Corintios 1:1, 2). Ma timokuayejyekokan ken omomachili ijkuak okimatki se tlakatl oauilnentoka uan tokniuan amo itlaj okiluiayaj. Ik non, Pablo okinnauati tlayekankej: “Non tlakatl moneki makitemaktikah imak satanás”. Omonekiaya kikixtiskej itech tlanechikol (1 Corintios 5:1, 5-7, 12). Axkan, tlayekankej uelis kikixtiskej itech tlanechikol akin tlajtlakolchiua uan amo moyolkuepa. Tla amo timouikaj inmiuan akinmej okinkixtijkej itech tlanechikol ijkon ken kijtoa Biblia, titlapaleuiskej ma yeto chipauak. Uan noijki uelis tikinpaleuiskej ma moyolkuepakan uan ma kiluikan Jehová ma kintlapojpolui.
(1 Corintios 5:9-11) Itech non ok se noamatlajkuilol onomechili amo ximonelokah iwa non momekatiah. 10 Ika tlan onomechili amo kijtosneki ximoxelokah de akimeh momekatijtinemih, n tominápisteh, n ichtekeh, noso akimeh kinweyiliah n diosmeh non san kinmachijchiwah, porke para ayakmó nonmowikaskeh inwah, san semi nonkikakajtewaskiah nin tlaltíkpaktli. 11 Tlan ne oniknek nomechilis ye ni: Amo ximowikakah iwa akin kijtoa nomokni itech Cristo, iwa ok momekatijtinemi, noso tominápistli, noso kinweyilia diosmeh non kinmachijchiwah, noso xolópijtli, tláwanki, noso tlachtek, iwa non tlakatl nion amo íwa xitlakuakah.
19 Ualeua, monekis ayakmo timouikaskej iuan akinmej achto okatkaj itech tlanechikol. Ijkon panoa ijkuak ikaj tlen kichiua ken Cristo, amo kitlakamati itlanauatil toTajtsin Dios uan amo moyolkuepa, moneki kikixtiskej itech tlanechikol. Noijki, ijkuak ikaj ayakmo kineltoka tlen Biblia kijtoa uan peua tlamachtia tlen amo melauak noso kijtoa ayakmo kineki yetos iTlaixpantijka Jehová. Biblia kuali technauatia: “Amoximowikakah iwa” (xiktlajtolti 1 Corintios 5:11-13; 2 Juan 9-11). Uelis sapanoa oui techchiuilis tla ijkon kipanoa se tokalchanejka noso se toyolikni. Pero ¿tlen tikchiuaskej? ¿Tiyetoskej tiyolmelajkej uan tikteititiskej okachi tiknekij tiktlakamatiskej Jehová uan itlanauatiluan? Jehová kipatioita miak ma tiktlakamatikan nochipa uan ma tiyetokan tiyolmelajkej.
20 Jehová tlanauatia ma kikixtikan itech tlanechikol akin otlajtlakolchi uan amo moyolkuepa, pampa non kiteititia tlasojtlalistli. ¿Tleka? Achto, pampa nin kiteititia tlasojtlalistli itech itoka toTajtsin Dios tlen chipauak uan itlanauatiluan (1 Pedro 1:15, 16). Ome, pampa ijkon kuali kajki tlanechikol. Akin amo kineki moyolkuepas uelis kinmijtlakos tokniuan. Ijkon kitekichiuilijtoskej toTajtsin Dios ika yolseuilistli itech tlanechikol, pampa ompa mopaleuiaj itech akinmej amo yolkualmej (1 Corintios 5:7; Hebreos 12:15, 16). Eyi, pampa ijkon kiteititiaj kitlasojtlaj akin otlajtlakolchi. Ijkon kipaleuiaj ma mokuayejyeko, ma kipatla inemilis uan ma mokuepa itech Jehová (Hebreos 12:11).
21 Toyolikniuan uelis techpaleuiskej noso techijtlakoskej. Ik non, moneki kuali ma tikinpejpenakan. Tla timouikaj iuan iyolikniuan Jehová, tikintlasojtlaj akinmej ye kintlasojtla, melauak tikinpiaskej akinmej okachi kuali toyolikniuan. Uan tla tikchiuaj tlen kuali kichiuaj, techpaleuis nochipa ma tikpiakan tonemilis ken Jehová kineki.
Ma tiktemokan ken techpaleuia Biblia
(1 Corintios 4:9) Ne nikita ken yaskia Dios otechka sa iksemi tejwah akimeh titetlapowiah de itlajtol Dios. Tikateh kemi non ya kinmiktitiweh. Nochteh techmawisoah, asta n ángelteh iwa n tlaltikpaktlakah.
w09-S 15/5 pág. 24 párr. 16
Ángeles “espíritus non tekititokeh inawak Dios”
16 ITlajtol toTajtsin Dios kiteititia ángeles ‘kinmawisoahʼ tokniuan akinmej kipiaj ouijkayotl (1 Cor. 4:9). Ángeles kitaj ken tikpiaj toyelis uan yolpakij ijkuak kitaj tiyolmelajkej ixpan Jehová uan sapanoa yolpakij ijkuak ikaj moyolkopa (Luc. 15:10). Noijki kitaj ijkuak tokniuan siuamej kipiaj kuali iyelis. Biblia kijtoa: “Siwatl mamokuatlakenti para makitakah n ángelteh milák kitlakita [inamik]” (1 Cor. 11:3, 10). Ángeles yolpakij ijkuak kitaj tokniuan siuamej uan noijki oksekimej tokniuan kintlakamatij akinmej tlayekanaj itech ialtepe Jehová. Ángeles kinpaleuia ijkuak kitaj tiktlakamatij Jehová.
(1 Corintios 6:3) ¿Amo nonkimatih noiwa tikinmixkomakaskeh n ángelteh? ¡Tla ijkó, okachi tiweletiskeh tikinyolsewiskeh akimeh motejteiliah itech nin tlaltíkpaktli!
it-2-S pág. 216
Tlanauatil
Tlanauatilmej tlen okinmakakej ángeles. Maski ángeles ueyititokej, kitlakamatij tlen Jehová kinnauatia (Heb. 1:7, 14; Sal. 104:4). Jehová noijki amo kikauilia Satanás ma kichiua seki tlamantli (Job 1:12; 2:6). Arcángel Miguel okitlakamatki Jehová uan okiteititi san ye uelis kixkomakaskia Diablo ijkuak okilui: “Dios mamitstlaijyowilti” (Jud. 9; noijki xikita Zac. 3:2). Jehová okikauili Jesús ma kinyekana nochtin ángeles (Heb. 1:6; 1 Ped. 3:22; Mat. 13:41; 25:31; Filip. 2:9-11). Jesús okinauati se ángel ma kimatiltiti seki tlamantli tlatitlanil Juan (Apoc. 1:1). Itech 1 Corintios 6:3 Pablo okijto tlapejpenalmej noijki ‘kinmixkomakaskeh n ángeltehʼ, non kiteititia yejuan noijki tlapaleuiskej ijkuak kinpojpoloskej amo kuali ejekamej.
© 2018 Watch Tower Bible and Tract Society of Pennsylvania