TIKCHIUAJ KEN CRISTO

Uelis tikpaleuis monamik tla tikpia kuali monemilis uan tiktlakaita

Tokni siuatl tla kipia kuali iyelis, uelis kipaleuis inamik ma kixmati Jehová. Xamo achto kixnamikis miak ouijkayotl uan panos miak xiuitl (1 Ped. 2:21-23; 3:1, 2). Tla tejuatsin ijkon titlajyouijtok, “ika tlan kuali xiktlanili tlan amokuali” (Rom. 12:21). Tla tiktlakaita monamik, non okachi kipaleuis ma kineki kixmatis Jehová.

Xikajsikamati tleka ijkon mokuayejyekoa (Filip. 2:3, 4). Xikititi tikiknomati, mitstekipachoa tlen kipanoa uan xikilui nochi tlen tikchiuas. Xikkaki tlen mitsiluia (Sant. 1:19). Xikmati timochias uan xikititi tiktlasojtla. Maski monamik amo kipatioitas tiktlakaita uan tiktlasojtla, kuali xikmati Jehová kipatioita tlen tikchiua (1 Ped. 2:19, 20).

IJKUAK YOTIKITAK VIDEO JEHOVÁ TECHPALEUIA MA TITLAXIKOKAN, XIKINNANKILI NINMEJ TLAJTLANILMEJ:

¿Ken okatka inemilis tokni Grace Li ijkuak yikin omonamikti?
¿Tlen okipaleui ma kixmati Jehová?
¿Ken otlaxiko tokni Li maski otlajyoui satepan ijkuak omoapolakti?
¿Tokni Li tlen okilui Jehová ma kichiua inamik?
¿Ken yokiteochi Jehová tokni Li porque okipiaya kuali inemilis uan okitlakaitak inamik?

Tlen panoua itech video Jehová techpaleuia ma titlaxikokan kanin kiteititia ken Grace opejki momachtia: 1, Grace chokatok. 2, se tokni kimachtijtok Grace. 3, Grace uan ikoneuan yauij nechikol. 4, Grace uan chiknaui ikoneuan omonechikojkej. — ¡Melauak tikpaleuis monamik tla tiktlakaita uan tikpia kuali monemilis!