Tlamachtilmej para Toteki akinmej tikchiuaj ken Cristo
7-13 DE JULIO
KEN TECHPALEUIA BIBLIA PROVERBIOS 21
Seki tlamantli tlen kinpaleuis mayolpakikan akinmej yomonamiktijkej
¿Tlen moneki kichiuaskej novios para kiyolpaktiskej Jehová?
13 ¿Moneki nanuejkauaskej nanyetoskej novios? Tla san tikpejpentikisaj itlaj tikchiuaskej amo kuali kisas (Prov. 21:5). Ikinon miak ipati kuali ximoixmatikan. Pero non amo kijtosneki xiuejkauakan. Porque Biblia kijtoua: “Moyolkokoua akin kichixtok itlaj tlen amo mochiua” (Prov. 13:12). Noijki ijkuak se telpochtli uan se ichpochtli uejkauaj katej novios xamo uelis tlajtlakolchiuaskej (1 Cor. 7:9). Amo san xikitakan kox yiuejkika nankatej novios. Ikinon sejse ximotlajtlanikan: “¿Tlen okachi moneki nikmatis para nikpejpenas kox nimonamiktis iuan nonovia noso nonovio?”.
Amo ma timoueyinekikan
3 Jehová kineki ma yolpakikan akinmej yomonamiktijkej. Pero ualeua kipiaj ouijkayotl porque tlajtlakolejkej. Pablo okijto akinmej monamiktiaj kipiaj ouijkayotl (1 Cor. 7:28). Sekimej tokniuan tlen yomonamiktijkej kimachiliaj san mokualanijtokej uan kijtouaj ayakmo moajsikamatij. Tla amo momaluiskej, san kintekipachos tlen kinekij uan mokajkauaskej inmixpan tekiuajkej.
4 Akinmej yomonamiktijkej amo ma mokuayejyekokan ayakmo uelis itlaj kichiuaskej. Ma kilnamiktokan Biblia kijtoua san uelis mokajkauaskej ixpan tekiuajkej tla se auilnemis (Mat. 5:32). Amo ma moueyinekikan ijkuak kipiaskej ouijkayotl nion ma motlajtlanikan: “¿Kuali onikpejpenki akin iuan onimonamikti? ¿Nechtlasojtla ken moneki? ¿Okachi niyolpakiskia tla nimonamiktiskia ikaj iuan okse?”. Amo kuali akinmej ijkon mokuayejyekouaj. Akinmej amo momachtiaj Biblia kijtouaj ma tikchiuakan tlen toyolo kineki uan ma timoyolpaktikan maski tikkauaskej tonamik. Pero akinmej kitlakamatij toTajtsin Dios amo ‘kimotemoliah san tlan ye kinpalewia, yej kimotemoliah tlan ika weletis kimpalewiskeh oksikimeh’ (Filip. 2:4). Jehová amo kineki ma mokajkauakan akinmej yomonamiktijkej (Mat. 19:6). Ye kineki ma tikchiuakan tlen techiluia.
5 Akinmej yomonamiktijkej moneki ma motlasojtlakan uan ma motlakaitakan (xiktlajtolti Efesios 5:33). Biblia techiluia ma tikinpaleuikan oksekimej (Hech. 20:35). Tla yolyamankej akinmej yomonamiktijkej, motlasojtlaskej uan motlakaitaskej. Ijkon kiteititiskej kintekipachoua tlen kinpanoua innamik (1 Cor. 10:24).
w06-S 15/9 pág. 28 párr. 13
“Xiyolpaki iuan siuatl akin iuan otimonamikti ijkuak otikatka titelpochtli”
13 Pero ¿tlen nankichiuaskej tla nanmokualaniaj porque amo nanmoyeknotsaj? Moneki itlaj nankichiuaskej para ayakmo nanmokualaniskej. Xamo nanmokualaniaj porque opejki nanmotlauelnotsaj (Proverbios 12:18). Itech okse tlamachtil otikitakej sapanoua nantlajyouiskej tla ijkon nankichijtoskej. Biblia kijtoua: “Okachi kuali tichantiskej kanin tlauaki uan amo iuan tosiua tlen kiuelita san mokualanijtos uan amitlaj kipaktia” (Proverbios 21:19). Tla timokualania iuan monamik ximotlajtlani: “¿Nonamik kita oui nouan yetos porque ualeua nikchiua tlen kiyolkokoua?”. Pero Biblia noijki kijtoua: “Tlakamej, nochipa xikintlasojtlakan namosiuauan uan amo san xikinmajuatokan” (Colosenses 3:19). Noijki ximotlajtlani: “¿Ayakmo kualtsin niknotsa nosiua ikinon kineki mouikas iuan akin kiyeknotsa?”. Tla ijkon namechpanoua amo kijtosneki uelis nanauilnemiskej. Tla amo nankinekij ijkon manamechpano, moneki ximoyektlapouikan uan xikyektlalikan tlen nankixnamikij.
Matiktemokan ken techpaleuia Biblia
Tiktekichiuiliaj toTajtsin Dios akin “satlawel teiknoma”
16 Tinochtin akinmej tikchiuaj ken Cristo tiknekij titeiknomatiskej ijkon ken Jehová. ¿Tleka tiknekij ijkon tikchiuaskej? Porque Jehová amo kinkaki akinmej amo teiknomatij (xiktlajtolti Proverbios 21:13). Tejuan tiknekij Jehová ma techkaki, ik non, timochijchikauaj tikinmiknomatiskej oksekimej. Ijkuak se tokni moyolkokoua, timochijchikauaj tikpaleuiskej. Noijki timochijchikauaj tikchiuaskej tlen kijtoua Biblia: “Dios amo kinmiknomatis akimeh amo teiknomatih” (Sant. 2:13). Tla tiyolyamankej uan tikilnamikij moneki techiknomatiskej, non kichiuas noijki ma titeiknomatikan. Uan okachi moneki titeiknomatiskej ijkuak akin otlajtlakolchi oksepa mouika iuan Jehová.
14-20 DE JULIO
KEN TECHPALEUIA BIBLIA PROVERBIOS 22
Seki tlamantli tlen kinpaleuis tetajmej kuali makinmiskaltikan inkoneuan
¿Kitekichiuiliskej Jehová mokoneuan?
7 Tla tejuatsin uan monamik nankinekij nankipiaskej namokoneuan, ximotlajtlanikan: “¿Tiyolyamankej uan tiktlasojtlaj Jehová uan iTlajtol? ¿Techpejpenaskia Jehová para ma tikmaluikan se konetsintli?” (Sal. 127:3, 4). Tla yinankinpiaj namokoneuan, ximotlajtlanikan: “¿Nikinmachtia ma tekipanokan?” (Ecl. 3:12, 13). “¿Nikinmaluia para amitlaj ma kinpano uan amo ma kichiuakan ken akinmej kinyekana Satanás?” (Prov. 22:3). Amo uelis nochipa nankinmaluiskej para amo ma tlajyouikan. Pero uelis nankinmititiskej ken kixnamikiskej ouijkayotl. ¿Ken uelis nankichiuaskej? Xikinmachtikan ma kichiuakan tlen kijtoua Biblia (xiktlajtolti Proverbios 2:1-6). Tla se familiar ayakmo kitekichiuilia Jehová, ma tikinmititikan tokoneuan ika Biblia amo keman ma kikauakan (Sal. 31:23). Tla oixpoliuik ikaj tlen tiktlasojtlaj, ma tikinmititikan textos tlen kinyolchikauas uan kinyolseuis (2 Cor. 1:3, 4; 2 Tim. 3:16).
Tetajmej xikinmachtikan namokoneuan ma kitlasojtlakan Jehová
17 Xikinmachtikan namokoneuan ijkuak yikin nesij. Okachi momachtiskej namokoneuan tla nankinmachtiskej ijkuak yikin nesij (Prov. 22:6). Ijkon okichi Eunice tlen okatka inantsin Timoteo uan Loida tlen okatka isitsin. Yejuan opejki kimachtiaj Timoteo ijkuak oneski (2 Tim. 1:5; 3:15). Satepan ijkuak otelpochtik Timoteo oyajki uejka otetlapouitoj iuan tlatitlanil Pablo.
18 Se tokni itoka John uan isiua itoka Paula tlen chantij Costa de Marfil, okinmachtijkej chikuase inkoneuan ma kitlasojtlakan Jehová uan ma kitekichiuilikan. ¿Tlen okinpaleui ijkon ma kichiuakan? Okichijkej ken Eunice uan Loida. Tokniuan okijtojkej: “Tokoneuan opejki tikinmachtiaj ijkuak yikin oneskej” (Deut. 6:6, 7).
19 ¿Tlen kijtosneki kinmachtiskej tetajmej inkoneuan ma kipatioitakan iTlajtol toTajtsin Dios? Kijtosneki konemej ma kilnamiktokan tlen kinmachtiaj uan moneki miak uelta ma kinmiluikan. Ik non, tetajmej moneki majxiliskej yetoskej iuan inkoneuan. Ualeua xamo mosotlauaskej porque moneki miak uelta kinmiluiskej inkoneuan tlen kinekij ma momachtikan. Pero amo ma mosotlauakan. Non kinpaleuis ma kajsikamatikan iTlajtol toTajtsin Dios uan ma kitlakamatikan.
Xikinmachti mokoneuan ma kitekichiuilikan Jehová (Tlamachtil 1)
6 Tejuatsin tikintlasojtla mokoneuan, ik non, tikmati moneki tikinyektlalis. Tla kichiuaj itlaj amo kuali, ualeua san moneki tikinyekiluis tleka amo kuali tlen okichijkej. Pero ¿tlen tikchiuas tla amo tetlakamatij? (Proverbios 22:15). Xikchiua ken Jesús. Xikinyekana, xikinnojnotsa uan xikinyektlali, pero amo xikualani nion ximosotlaua. Xiktemo kanin uelis tikinyektlalis pero ika tlasojtlalistli. Se tokni tlen itoka Elaine akin chanti itech ueyi altepetl Sudáfrica, kijtoa ken okiyektlaliayaj itatajuan. Yejuan nochipa okiyekiluiayaj tlen okinekiayaj ma kichiua. Se neskayotl, okiluiayaj tla amo tetlakamatiskia, yejuan kiyektlaliskiaj. Uan satepan okichiuayaj ijkon ken okiluiayaj. Pero nochipa okiyekiluiayaj tleka okiyektlaliayaj uan amo keman okiyektlaliayaj ijkuak okualantokaj. Ijkon okimatki itatajuan melauak okitlasojtlayaj.
Matiktemokan ken techpaleuia Biblia
Ma tiyolpakikan ika tlen uelis tikchiuaskej para tiktekichiuiliskej Jehová
11 Tejuan noijki uelis tiyolpakiskej tla timochijchikauaj okachi tiktekichiuiliskej Jehová. Okachi ma titetlapouikan uan nochipa ma tikueyichiuakan Jehová iuan tokniuan tlen inmiuan timonechikouaj (Hech. 18:5; Heb. 10:24, 25). Kuali ma timoyektlalikan uan ijkon ijkuak timonechikoskej kuali titlanankiliskej uan tikinyolchikauaskej tokniuan. Tla techiluiaj tlajko semana titlamachtiskej kuali ma timoyektlalikan. Noijki tla techiluiaj ma titlapaleuikan itech tlanechikol, ma tiajsiti hora tlen otimokajkej uan ma tikchiuakan tlen techiluiaj. Amo ma timokuayejyekokan tlen tikchiuaskej itech tlanechikol amo ipati uan amo moneki timochijchikauaskej. Okachi kuali ma tikchiuakan ken moneki (Proverbios 22:29). Tla timochijchikauaj tiktekichiuiliskej Jehová okachi kuali iuan timouikaskej uan tiyolpakiskej (Gál. 6:4). Noijki tiyolpakiskej iuan oksekimej tokniuan ijkuak tikinmitaskej tlapaleuijtokej ijkon ken tejuan tiknekiskiaj (Rom. 12:15; Gál. 5:26).
21-27 DE JULIO
KEN TECHPALEUIA BIBLIA PROVERBIOS 23
Seki tlamantli tlen techpaleuis amo matitlauanakan
¿Uelis koniskej alcohol akinmej kichiuaj ken Cristo?
2. ¿Tlen kijtoua Biblia uan moneki makilnamiktokan akinmej konij alcohol?
Jehová amo kipaktia matitlauanakan nion matikonikan miak alcohol (Gálatas 5:21). Biblia kijtoua: “Amo ximouika iuan akinmej sapanoua konij vino” (Proverbios 23:20). Ikinon tla tiknekij tikoniskej alcohol ijkuak tikatej iuan oksekimej noso toselti, amo miak matikonikan hasta ayakmo tikmatiskej tlen tikijtoskej. Noijki timomaluiaj uan amo tikonij miak alcohol para amo timokokoskej. Tla ijkuak tikonij tepitsin alcohol tiknekij okachi tikoniskej, okachi kuali amitlaj matikonikan.
¿Kox kipaktia toTajtsin Dios matikonikan alcohol?
Pero toTajtsin Dios techpaleuia kuali matikpejpenakan tlen tikchiuaskej porque techtlasojtla. ITlajtol techiluia tlen techpanos tla sapanoua titlakonij. Proverbios 23:29-35 kijtoua tlen okipanok akin sapanoua otlauanki. Se tlayekanki tlen itoka Daniel uan chanti Europa okijto tlen okipanok ijkuak ayamo omochiuaya iTlaixpantijka Jehová. Ye okijto: “Sapanoua onitlakoniaya ikinon onikchiuaya miak tlamantli tlen amo kuali. Noijki onechpanok miak tlamantli tlen axkan sapanoua nechyolkokoua”.
Matiktemokan ken techpaleuia Biblia
“Ixtlamatilistli tlen melauak, chikauak mokaki itech ojtli”
16 Matiyolpakikan ika tlen tikpiaj. Biblia kijtoua: “Amo san ximochijchikaua tikpias miak tomin. […] poliui uan san niman kipias iajasuan ken se águila uan patlanis” (Prov. 23:4, 5). Nochi tlamantli tlen tikpiaj uelis san niman tikpoloskej. Axkan miakej kitemouaj tomin maski kipiaj noso amo uan kinekij kipiaskej okachi miak tlamantli pero ijkuak ijkon kichiuaj amo kuali katej, amo kuali mouikaj iuan oksekimej uan hasta mokokouaj (Prov. 28:20; 1 Tim. 6:9, 10). Tejuan Jehová techmachtia ken moneki tikitaskej tomin. Ikinon tiyolpakij ika tlen tikpiaj uan amo tiktemouaj tikpiaskej miak tlamantli (Ecl. 7:12).
28 DE JULIO-3 DE AGOSTO
KEN TECHPALEUIA BIBLIA PROVERBIOS 24
Ximomachti uan non mitspaleuis ijkuak titlajyouis
Nochipa matitlaneltokakan
15 Matimomachtikan iTlajtol toTajtsin Dios uan matimokuayejyekokan tlen ompa kijtoua. Se kuauitl moneki kipias ineluayo uejkatlan para uelis tlaxikos. Tejuan noijki moneki timomachtiskej Biblia para okachi titlaneltokaskej uan titlaxikoskej. Ijkuak se kuauitl moskaltia, ineluayo noijki moskaltia uan okachi motoka. Tejuan ijkuak timomachtiaj uan timokuayejyekouaj tlen timomachtiaj okachi titlaneltokaj uan tikitaj techpaleuia tlen toTajtsin Dios techmachtia (Col. 2:6, 7). Matimokuayejyekokan ken yiuejkika itekipanojkauan Jehová okinpaleui tlen ye okinmachti, okinpaleui ijkuak okinyekanki uan okinmalui. Ezequiel okiyekitak se ángel okitamachiuaya teokali. Tlen okitak Ezequiel okipaleui okachi matlaneltoka, pero noijki techpaleuia matiktlakamatikan Jehová para matikueyichiuakan (Ezeq. 40:1-4; 43:10-12). Tejuan noijki techpaleuia ijkuak timomachtiaj seki tlamantli oui tlen kajki itech iTlajtol toTajtsin Dios uan timokuayejyekouaj tlen otimomachtijkej.
w21.02 págs. 30, 31 párrs. 17-19
¿Tlen techpaleuis ma tiyolpakikan maski titlajyouiaj?
17 ¿Tlen uelis kichiuas ayakmo ma tiyolpakikan? Tla timoyolkokouaj. Biblia kijtoua: “Tla timoyolkokoua ijkuak timotekipachoua, amo tiyolchikajtos” (Prov. 24:10). Tlajtoli “timoyolkokoua” ika tlajtoli hebreo noijki kijtosneki ijkuak ikaj “ayakmo yolchikauak”. Tla ayakmo tiyolchikauakej, ayakmo tiyolpakiskej.
18 ¿Tlen tikchiuaskej? Ma tikneltokakan Jehová techpaleuis ma tiyetokan tiyolchikauakej para ijkon titlaxikoskej. Moneki ma tiyetokan tiyolchikauakej para uelis titlaxikoskej (Sant. 5:11). Tlajtoli tlen Santiago okijkuilo uan motlajtolkopa “titlaxikoskej”, kijtosneki ijkuak ikaj mokaua kanin okitlalijkej. Xamo ika ninmej tlajtolmej tikilnamikij tlen kichiuaj soldados. Soldados yolchikauakej tlaxikouaj ijkuak oksekimej kinteuiaj uan amo kanaj yauij.
19 Apóstol Pablo otlaxiko uan noijki okiteititi okatka yolchikauak. Ualeua omosotla pero otlaxiko porque okineltokaya Jehová kimakaskia chikaualistli para tlaxikoskia (2 Cor. 12:8-10, TNM; Filip. 4:13, TNM). Tejuan noijki uelis titlaxikoskej uan noijki tiyetoskej tiyolchikauakej tla tiyolyamankej uan tikilnamiktokej moneki ma techpaleui Jehová (Sant. 4:10).
Sekimej techtlajtlaniaj
Proverbios 24:16 kijtoua: “Akin yolmelauak uelis uetsis chikome uelta uan oksepa moketsas”. ¿Kijtosneki nin texto ikaj tlen nochipa tlajtlakolchiua toTajtsin Dios kitlapojpoluia?
Amo non kijtosneki. Non versículo kijtoua ijkuak ikaj ‘uetsiʼ, kijtosneki ijkuak ikaj kixnamiki nochipa ouijkayotl uan ijkuak kijtoua ‘moketsaʼ, kijtosneki ueli kixikoua tlen kipanoua.
Ik non, tlen kijtoua Proverbios 24:16 amo kijtosneki ijkuak ikaj tlajtlakolchiua. Kijtosneki ijkuak ikaj nochipa tlajyouia. Axkan miakej mokokouaj noso kinpanoua okseki tlamantli, xamo noijki tekiuajkej sapanoua kintlajyouiltiaj. Pero uelis kineltokaskej toTajtsin Dios kinpaleuis ma tlaxikokan uan kuali yetoskej. ¿Yotikitak tlen kichiuaj itekipanojkauan Jehová nochipa kuali kisa? ¿Tleka? Biblia kijtoua: “Jehová kinkitskia nochtin akinmej yiuetsiskej uan kinmeualtia nochtin akinmej kuelpachitokej” (Sal. 41:1-3; 145:14-19).
Ik non, akin yolmelauak amo yolpaki ijkuak oksekimej tlajyouiaj. Yolpaki ijkuak kimati kuali yetoskej akinmej kitlakamatij toTajtsin Dios (Ecl. 8:11-13; Job 31:3-6; Sal. 27:5, 6).
Matiktemokan ken techpaleuia Biblia
Namiktilistli: se tetliokolil tlen techmaka Jehová akin techtlasojtla
13 Tla timokuayejyekojtok timonamiktis, moneki ximotlajtlani: “¿Melauak yiuelis nimonamiktis?”. Amo san tlen tikmachilia, tlen tikmati ijkuak se tlakatl moteka iuan se siuatl noso san pampa tikneki tikinpias mokoneuan, non amo mitspaleuis tikmatis tla yiuelis timonamiktis. Okachi kuali, tlakatl uan siuatl moneki achto mokuayejyekoskej tlen kichiuaskej.
14 Tla se tlakatl kineki monamiktis, moneki mokuayejyekos itech nin principio bíblico: “Achto xitekiti kiauak uan xikajxiti moteki itech tlalan. Satepan moneki tikchijchiuas mokalijtik” (Proverbios 24:27). ¿Tlen kijtosneki nin? Yiuejkika, akin okinekiaya kipias ikalchanejkauan, omonekiaya motlajtlanis: “¿Melauak yiniuelis nikmaluis nosiua uan nikmakas tlen kipoloa uan noijki ijkuak nesiskej nokoneuan?”. Ik non, achto monamiktiskia tlakatl, omonekiaya tekitis itech itlala. Ika nin principio bíblico axkan noijki uelis moyekanaskej akinmej kinekij monamiktiskej. Ik non, tla se tlakatl kineki monamiktis, achto moyektlalis pampa kuali kichiuas iteki. Uan pampa ok telpochtli moneki tekitis chikauak. Noijki Biblia kijtoa moneki kinmakas tlen kinpoloa ikalchanejkauan, kinyolchikauas uan kinchikauilis intlaneltokilis, uan tla amo kichiuas yetoskia ken akin amo tlaneltoka (xiktlajtolti 1 Timoteo 5:8).
15 Noijki tla se siuatl kineki monamiktis, moneki kimatis tlen tekitl kichiuas. Uan Biblia kiluia ken kichiuas iteki, ken kipias iyelis pampa kipaleuis inamik uan ken kimaluis ikalijtik (Proverbios 31:10-31). Tlakamej uan siuamej tlen san niman monamiktijtikisaj, amo kimatij tlen tekitl kichiuaskej, san intech motekipachoaj pampa amo mokuayejyekoaj kox melauak uelis kipaleuiskej innamik. Noijki, akinmej kinekij monamiktiskej moneki moyektlaliskej pampa moyekanaskej ika principios bíblicos itech innamiktilis.
4-10 DE AGOSTO
KEN TECHPALEUIA BIBLIA PROVERBIOS 25
Seki tlamantli tlen techpaleuis matikinyolchikauakan oksekimej ika tlen tikijtouaj
Tonenepil ken se tlitl
6 ¿Tleka miak ipati kuali ma tikpejpenakan keman titlajtoskej? Proverbios 25:11 kijtoa se kuali tlajtoli ijkuak okachi moneki ken se manzana ika oro tlen kajki ipan itlaj tlen chijchijtok ika plata. ¿Tlen kijtosneki? Manzanas tlen chijchijtokej ika oro sapanoa kualtsitsintin. Pero tla tikintlaliaj ipan itlaj tlen chijchijtok ika plata, okachi kuali motaskej. Noijki, uelis ikaj tikiluiskej itlaj kuali. Pero tla kuali tikpejpenaj keman tikijtoskej, okachi tlapaleuis. Ma tikitakan se neskayotl.
7 Tla titlajtoaj ijkuak amo moneki, uelis amo techajsikamatiskej noso amo kiseliskej tlen tikijtoaj (xiktlajtolti Proverbios 15:23). Se neskayotl, itech metstli marzo xiuitl 2011, omochi se tlalolinilistli uan se tsunami tlen okinxixini miakej altepemej itech ueyi altepetl Japón. Omikej kanaj 15,000 tlaltikpaktlakamej. Miakej tokniuan noijki okitakej ken omikej inkalchanejkauan uan inyolikniuan, pero okinekiayaj kinpaleuiskej oksekimej ika tlen kijtoa Biblia. Pero omokuayejyekojkej amo kintlapouiskej itech yolitilistli. ¿Tleka? Pampa ompa chantij miakej budistas uan amo okachi kimatij itech Biblia. Ik non, tokniuan omoyolchikajkej pampa kinyolseuiskej uan kinyekiluiskej tleka panoa miak tlamantli amo kuali.
w15 15/12 págs. 20, 21 párrs. 15, 16
Tonenepil ken se tlitl
15 Noijki miak ipati ma timokuayejyekokan ken tikintlapouiaj. Miakej okinpaktiaya kikakiskej Jesús pampa ye okintlapouiaya ika tlasojtlalistli (Lucas 4:22). Tla tikintlapouiaj ika tlasojtlalistli, tlaltikpaktlakamej noijki kinekiskej techkakiskej uan kiseliskej tlen tikintlapouiaj (Proverbios 25:15). ¿Tlen techpaleuis ma titlajtokan ika tlasojtlalistli? Ma tikintlakaitakan uan ma timokuayejyekokan tlen kimachiliaj. Non tlen okichiuaya Jesús. Se neskayotl, ijkuak okinmitak sekimej tlaltikpaktlakamej melauak omochijchikajkej pampa kajsiskej uan kikakiskej, ika miak pakilistli okixelo kauitl pampa kinmachtis miak tlamantli (Marcos 6:34). Uan ijkuak oksekimej okiuijuikaltijkej, ye amo ijkon okinnankili (1 Pedro 2:23).
16 Tinochtin tikintlasojtlaj tokalchanejkauan uan toyolikniuan. Pero ken inmiuan timouikaj, uelis tikijtoskej amo moneki tikmaluiskej ken tikintlapouiaj. Uan ualeua uelis tikijtoskej itlaj tlen kintlajyouiltis. Pero ma timokuayejyekokan itech tlen okichi Jesús. Ye nochipa okintlakaitak iyolikniuan. Ijkuak sekimej omokualanijkej pampa okinekiayaj ueyititoskej, ye okinyektlali ika tlasojtlalistli. Uan okinmachti ika se neskayotl itech se chokotsin, pampa ijkon uelis kipatlaskiaj tlen okineltokayaj (Marcos 9:33-37). Itech tlanechikol, tlayekankej moneki kichiuaskej ken Jesús uan kinyektlaliskej tokniuan ika tlasojtlalistli (Gálatas 6:1).
Axkan okachi moneki ma timoyolchikauakan
10 Amo san tlayekankej moneki teyolchikauaskej. Pablo otechnauati tinochtin akinmej tikchiuaj ken Cristo ‘yej matikktenewakah kuali tlájtoli tlan ika kinyolchikawas, kimpalewis iwa kintiochiwas akimeh kikakih non tlájtoli’ (Efes. 4:29). Tinochtin ma timotekipachokan intech tokniuan uan ma tikitakan tlen kinpoloa. Pablo okinmilui tokniuan hebreos: “Xikonanakah chikawálistli, nomomawah amo san machapantokah, iwa nomokxiwah amo san makuijkuitlaxiwikah. Xiktemokah n ojtli milaktik. Ijkó, nomokxi non omonekuilo, pajtis iwa ayakmó oksepa monekuilos” (Heb. 12:12, 13). Noijki telpokamej uan ichpokamej uelis kinyolchikauaskej tokniuan.
Matiktemokan ken techpaleuia Biblia
Matiyetokan tiyolyamankej uan amo matikualanikan
3 Akinmej yolyamankej noijki yolchikauakej. Moneki timochijchikauaskej tiyetoskej tiyolyamankej ijkuak itlaj tikixnamikij. Tiyetoskej tiyolyamankej poui itech espíritu santo (Gál. 5:22, 23). Ika griego tlajtoli “yolyamanki” ualeua okitekitiltiayaj ijkuak se caballo yokitekauiliaya ipan matlejkokan. Non kijtosneki caballo achto amo okitekauiliaya ipan matlejkokan. Satepan yokitekauiliaya pero non amo kijtosneki ayakmo okatka chikauak. ¿Tejuan ken uelis tiyetoskej tiyolyamankej uan noijki tiyetoskej tiyolchikauakej? Moneki tikiluiskej toTajtsin Dios matechmaka iespíritu santo porque san tejuan toselti amo uelis itlaj tikchiuaskej. Pero uelis tiyetoskej tiyolyamankej porque miakej ijkon kichiuaj. ITlaixpantijkauan Jehová kiteititiaj katej yolyamankej ijkuak oksekimej kinekij mokualaniskej. Ikinon miakej motlajtlachialtiaj ijkuak kitaj tokniuan yolyamankej (xiktlajtolti 2 Timoteo 2:24, 25). ¿Tlen uelis tikchiuaskej para tiyetoskej tiyolyamankej?
11-17 DE AGOSTO
KEN TECHPALEUIA BIBLIA PROVERBIOS 26
Amo matimouikakan inuan xoxojtin
it-2-S pág. 249 párr. 1
Kiauitl
Ijkuak seua uan tona. Israelitas kuali okitayaj keman otonaya uan keman oseuaya ijkuak ochantiayaj itech tlali tlen Jehová okinmakak. Kuali omotaya ijkuak otlauakiaya uan ijkuak okiauiaya (noijki xikita Salmo 32:4; Cantar de los Cantares 2:11, nota). Itlajkotia abril hasta itlajkotia octubre okololouayaj tlen okitokayaj porque amo okachi okiauiaya. Proverbios 26:1 kiteititia amo okiauiaya ijkuak okololouayaj tlen okitokayaj (noijki xikita 1 Samuel 12:17-19). Ijkuak okiauiaya amo nochipa ijkon opanouaya porque seki tonal otlakualkantiaya. Ijkuakon noijki oseuaya ikinon amikaj okipaktiaya siauas ijkuak okiauiaya (Esd. 10:9, 13). Ikinon kualtsin omomachiliayaj ijkuak okipiayaj kanin mokalotiskej (Is. 4:6; 25:4; 32:2; Job 24:8).
w87-S 1/10 pág. 19 párr. 12
Techpaleuia kuali matiyetokan ijkuak techyektlaliaj
12 Proverbios 26:3 kijtoua sekimej okachi moneki kinyektlaliskej. Ompa kijtoua: “Caballo kipeuaj ika mekatl, burro kikamatlaliliaj freno para mamoketsa uan xoxojtin kinkuitlapantlakotemaj”. Ualeua Jehová okitekauiliaya makintlajyouiltikan israelitas porque okichiuayaj san tlen yejuan okinekiayaj. Yejuan amo okinekiayaj kintlakamatiskej itlanauatiluan toTajtsin Dios uan amo okikakiayaj tlen okinmiluiaya. Ikinon amo okinpaleui ijkuak otlajyouijkej. Satepan okitlatlaujtijkej Jehová makinpaleui ijkuak otlajyouijtokaj uan ye okinpaleui (Salmo 107:11-13). Pero sekimej akinmej amo ixtlamatkej yoltlakuauaj uan amo kinekij ikaj makinyektlali: “San niman tlajyouis tlakatl tlen miak uelta yokiyektlalijkej pero yoyoltlakuauak uan amikaj uelis kipaleuis” (Proverbios 29:1).
it-1-S pág. 502 párr. 4
Akin amo ueli nejnemi
San kineskayotia tlen moijtoua. Tekiua Salomón okijto: “Ijkuak ikaj kikauilia makipaleui se xoxo yetoskia ken kinteki ikxiuan uan ineuian motlajyouiltia”. Matikijtokan se tlakatl kitlakeua akin amo ixtlamatki makichiua se tekitl. Pero tekitl tlen kichiuas non tlakeuali amo kipaleuis iteko uan iteko yetoskia ken ineuian kinteki ikxiuan. Amo kuali kisas tlen kineki kichiuas tlakatl uan san ineuian motlajyouiltis (Prov. 26:6).
Matiktemokan ken techpaleuia Biblia
Matiyetokan tiyolyamankej uan amo matikualanikan
18 Oksekimej amo san niman kineltokaskej tlen tejuan tikneltokaj maski kuali tikinyekiluiskej tlen tikneltokaj. Techpaleuis matechkakikan oksekimej tla kuali tikinnankiliaj uan amo tikualanij (xiktlajtolti Colosenses 4:6). Ijkuak ikaj tikiluiaj tlen tikneltokaj yetoskia ken tiktlamochiliaj se pelota makikitski. Uelis yolik tiktlamochiliskej noso sapanoua chikauak. Tla yolik tiktlamochiliskej, uelis kikitskis uan mauiltis. Noijki ijkon uelis tikchiuaskej ijkuak kuali tikinnankiliaj akinmej itlaj techtlajtlaniaj uan amo tikualanij. Ijkon akin tiktlapouijtokej ok kinekis techkakis. Pero amo moneki matimotlapouikan iuan akin san techpinauia noso kineki touan mokualanis (Prov. 26:4). Ijkon xamo miakej kinekiskej techkakiskej.
18-24 DE AGOSTO
KEN TECHPALEUIA BIBLIA PROVERBIOS 27
Sapanoua techpaleuia ijkuak kuali tikinpejpenaj akinmej inuan timouikaskej
Jehová kintlasojtla akinmej yolyamankej
12 Tla tiyolyamankej, tikseliskej ijkuak techiluiskej tlen amo kuali otikchijkej. Ma tikitakan se tlamantli tlen techpaleuis ma tikajsikamatikan. Ma tikijtokan tikatej kanin timonechikoaj timotlapouijtokej iuan tokniuan. Se tokni ichtaka otechnotski uan otechilui tikpiaj itlaj itech totlanuan. Tipinauaj ijkuak ijkon techiluiaj pero tiktlasojkamatiliaj. Noijki techpaktiskia tla achto techiluiskiaj. Noijki ma timotlasojkamatikan ijkuak ikaj techiluia tlen amo kuali tikchijtokej. Amo ma timokuayejyekokan tokni techkokolia uan tiktlauelitaskej. Ijkuak techyektlaliaj tokniuan kiteititiaj techtlasojtlaj (Proverbios 27:5, 6; Gál. 4:16).
it-2-S pág. 1185 párr. 6
Toyolikni
Amochtli Proverbios kijtoua se toyolikni moneki touan yetos uan uelis tikneltokiliskej tlen kijtoua. Noijki techiluia matikiluikan matechpaleui ijkuak itlaj techpanoua. Ompa kijtoua: “Amo xikaua iselti moyolikni nion xikaua iselti iyolikni mopapa uan amo san xikitati mokni ijkuak itlaj mitspanotos. Okachi kuali xikpia se moyolikni tlen mouan kajki uan amo se mokni tlen uejka kajki” (Prov. 27:10). Akin okijkuilo nin proverbio okijto matikpatioitakan akin sapanoua kuali mouika iuan tofamilia. Noijki okijto ye achto matikiluikan matechpaleui porque xamo tofamiliar uejka kajki uan amo uelis techpaleuis noso amo kinekis.
¿Tlen nankinekij nankichiuaskej telpochmej uan ichpochmej?
7 Tlen okichi Jehoás techmachtia moneki tikinpejpenaskej toyolikniuan tlen melauak techpaleuiskej. Non kijtosneki moneki timouikaskej inuan akinmej kitlasojtlaj Jehová uan kinekij kiyolpaktiskej. Noijki nochtin uelis inuan timouikaskej maski tlatlamantli xiuitl kipiaj. Xikilnamiki Jehoiadá okipiaya okachi miak xiuitl uan Jehoás okatka ok telpochtli. Ximokuayejyeko akinmej inuan timouika uan ximotlajtlani: “¿Nechpaleuiaj okachi manikneltoka Jehová? ¿Nechpaleuiaj maniktlakamati? ¿Kinpaktia kintlapouiskej oksekimej para makixmatikan Jehová uan tlen momachtiaj itech Biblia? ¿Kintlakamatij itlanauatiluan? ¿Nechiluiaj tlen moneki nikchiuas ijkuak nimotlapololtia?” (Prov. 27:5, 6, 17). Amitlaj ipati tikinpias moyolikniuan tla amo kitlasojtlaj Jehová. Pero amo keman xikinkaua moyolikniuan tlen kitlasojtlaj Jehová (Prov. 13:20).
Matiktemokan ken techpaleuia Biblia
Tlayekankej kichiuaj ken Gedeón
8 Xikueyichiuakan Jehová. Gedeón amo okinek moueyinekis ijkuak okintlanili madianitas uan okinmilui israelitas makiueyichiuakan Jehová (Juec. 8:22, 23). ¿Ken kiteititiskej tlayekankej kichiuaj ken Gedeón? Moneki kiueyichiuaskej Jehová ijkuak itlaj kuali kichiuaj (1 Cor. 4:6, 7). Matikijtokan tokniuan kiluiaj se tlayekanki kuali otlamachti. Ye uelis kinnankilis otlamachti tlen kijtoua iTlajtol toTajtsin Dios uan kuali titlamachtiaj porque ialtepe techmachtia. Miak ipati tlayekankej makitakan kox kiueyichiuaj Jehová ijkuak tlamachtiaj noso san yejuan moueyinekij. Matikitakan tlen okipanok se tokni tlen itoka Timothy. Ye okipaktiaya tlamachtis ijkuak okitlalijkej mayeto tlayekanki. Ye okijto: “Ne onechpaktiaya kualtsin nipeuas ijkuak onitlamachtiaya uan onikijtouaya ejemplos tlen sapanoua kuajkualtsitsintin. Ikinon tokniuan okijtouayaj sapanoua kualtsin onitlamachtiaya. Ijkuak ijkon okichiuayaj, onikitaya amo okiueyichiuayaj Jehová porque san okitayaj tlen ne onikchiuaya”. Tokni okitak omonekiaya kipatlas ken otlamachtiaya (Prov. 27:21). Ye okijto: “Axkan tokniuan nechiluiaj tlen nitlamachtia kinpaleuia matlaxikokan ijkuak tlajyouiaj uan kinpaleuia okachi mamouikakan iuan Jehová. Nipaki ijkuak ijkon nechiluiaj tokniuan uan amo ijkon ken achto onechiluiayaj”.
25-31 DE AGOSTO
KEN TECHPALEUIA BIBLIA PROVERBIOS 28
Mota akin yolkuali uan akin amo yolkuali
w93-S 15/5 pág. 26 párr. 2
¿Tikchiuaj tlen techiluia Jehová?
“AKINMEJ yolmelauakej yolchikauakej ken se león” (Proverbios 28:1). Matitlaneltokakan, matikneltokakan Biblia uan nochipa matimochijchikauakan matiktekichiuilikan toTajtsin Dios maski san tlen techpanos.
¿Tikixmatij Jehová ken okixmatiaya Noé, Daniel uan Jacob?
1 TIKATEJ itlamian tonalmej. Akinmej amo yolkualmej “pankisaj ken xiuitl tlen amo kuali” (Sal. 92:7). Uan miakej amo kintlakaitaj itlanauatiluan toTajtsin Dios. Ik non, ¿ken uelis tiyetoskej ‘kej konemej itech tlan amo kuale’ uan noijki tiyetoskej ‘kej tiwejweyin tlakaj ika kuale totlayejyekolis’? (1 Cor. 14:20, Itlajtol totajtzin Dios, NHY).
2 Technankilia tlaxelol kanin kisa nin tlamachtil, kanin kijtoa: “Akinmej kitemoaj Jehová nochi tlamantli kajsikamatij”, kijtosneki kichiuaj tlen moneki uan ijkon kiyolpaktiaj (Prov. 28:5). Noijki ijkon kijtoa Proverbios 2:7, 9 kanin kijtoa Jehová “kinmaka ixtlamatilistli” akinmej yolmelajkej. Ik non, yejuan ‘kajsikamatiskej tlen kuali, tlen kipia melajkayotl uan tlen moneki, kijtosneki, nochi tlen kuali’.
it-1-S pág. 1244 párr. 4
Akin kipia iyolo ajsitok
Matikneltokakan Jehová uan matikkauilikan ichikaualis matechpaleui matikpiakan toyolo ajsitok (Sal. 25:21). ToTajtsin Dios kijtoua techpaleuis ken yetoskia se escudo uan ken se tepamitl tla tikpiaskej toyolo ajsitok (Prov. 2:6-8; 10:29; Sal. 41:12). Akinmej kipiaj inyolo ajsitok mochijchikauaj makinseli Jehová porque kinekij kuali yetoskej uan ijkon kuali kisa tlen kichiuaj (Sal. 26:1-3; Prov. 11:5; 28:18). Job okijto Satanás kintlajyouiltia akinmej amitlaj intlajtlakol uan kineki kinmixpolos. Pero Jehová kita amitlaj intlajtlakol uan kinmiluia satepan kuali yetoskej uan kipiaskej tlen kuali (Job 9:20-22; Sal. 37:18, 19, 37; 84:11; Prov. 28:10). Job amo okitemouaya kipias miak tlamantli ikinon okipiaya iyolo ajsitok. Noijki okipaleuiaya makipatioitakan oksekimej uan makitlakaitakan (Prov. 19:1; 28:6). Tetajmej mochijchikauaj kichiuaskej ijkon ken Job okichiuaya ikinon inkoneuan pakij (Prov. 20:7). Tetajmej mochijchikauaj kipiaskej kualtsin inyelis uan non kinpaleuia makintlakaitakan oksekimej uan noijki kintlakaitaj inkoneuan.
Matiktemokan ken techpaleuia Biblia
Matiijsatokan uan ijkon amo tikchiuaskej tlen techyoltilana
19 ¿Tlen techpaleuis amo matitlajtlakolchiuakan tla itlaj techyoltilana? Matiijsatokan ijkon ken Jesús okijto. Matimochijchikauakan matikixtopeuakan tlen techyoltilana maski timokuayejyekoskej ayakmo itlaj techyoltilanas (1 Cor. 10:12). Matikchiuakan tlen techpaleuia matikixtopeuakan tlen techyoltilana. Xikchiua ijkon ken kijtoua Proverbios 28:14: “Paki tlakatl tlen nochipa motlachilia” (2 Ped. 3:14).