¿Tlen moneki tikchiuaskej para tiyetoskej ijkuak kuali tlayetos?

Yotikitakej toTajtsin Dios kinpojpolos akinmej kichiuaj tlen amo kuali uan nochi tlen techtlajyouiltia. ¿Tikneltokaj melauak ijkon panos? Kema. Biblia ijkon kijtoua:

“Yin tlaltikpak san panos” (1 JUAN 2:17, [NHY]).

Tikmatij sekimej momakixtiskej porque non texto noijki kijtoua:

‘Akin kichiwa tlan Dios kineki, yolitos’

Tla tiknekij tiyoltoskej moneki tiktlakamatiskej toTajtsin Dios. Uan tla tiknekij ijkon tikchiuaskej, moneki achto tikixmatiskej.

MA TIKIXMATIKAN TOTAJTSIN DIOS TLA TIKNEKIJ TIYOLTOSKEJ

Fotos: 1. Se enfermera mosotlaua, motekipachoua uan motlalia ipan piso ompa hospital. 2. Ijkuak motlalia kita akin iuan tekipanoua yolpaki ijkuak kitlajtoltia se revista. 3. Ye kitlajtoltilia se versículo tlen kajki itech Biblia uan kimaka se tarjeta.

Jesús okijto: “Nin kijtosneki yolilistli tlen amo keman tlamis, tla mitsixmatiskej te, akin melauak toTajtsin Dios” (Juan 17:3). Tla tiknekij timomakixtiskej ijkuak toTajtsin Dios kitlajtlamis tlen amo kuali, moneki tikixmatiskej. Amo san moneki tikneltokaskej kajki uan san tikmatiskej tlen kichiua. Moneki iuan timouikaskej. Tla tiknekij iuan ikaj timouikaskej, moneki timajxiliskej para iuan tiyetoskej. Ijkon panoua iuan toTajtsin Dios. Ma tikitakan seki tlamantli tlen kijtoua Biblia, tlen techpaleuis nochipa ma timouikakan iuan toTajtsin Dios.

Biblia techmachtia

ToTajtsin Dios yiuejkika kineki ma tiyetokan itech se xochitlali.

ToTajtsin Dios okichijchi achto tlakatl uan siuatl, Adán uan Eva uan okintlali itech se kualtsin xochitlali tlen omotokayotiaya Edén. Yejuan amo okipiayaj tlajtlakoli, toTajtsin Dios okimakak nochi para ma yolpakikan. Nochipa yetoskiaj tla mouikaskiaj iuan toTajtsin Dios. Pero okipejpenkej amo kitlakamatiskej.

¿Tleka titlajyouiaj?

Adán amo okitlakamatki toTajtsin Dios, ik non, mikiskia uan noijki nochtin ikoneuan ijkon kinpanoskia. Biblia kijtoua: “Por itlajtlakol se tlakatl n tlajtlákoli okalak itech nin tlaltíkpaktli iwa okualík mikílistli, ijkó noiwa nochteh mikkih” (Romanos 5:12). Tla ikaj mokokoua uan kinpia ikoneuan, kinpanoltilia non kokolisli tlen ye kipia, noijki ijkon tiikoneuan Adán otechpanoltili tlajtlakoli. Ik non, tikokoxkatij uan tiixpoliuij.

ToTajtsin Dios itlaj okichi para techpaleuis.

Biblia kijtoua: “Totajtsi Dios saikpanoa okintlasojtlak n tlaltikpaktlakah, yika okitemakti non sanwel Ye se Ikone, para nochteh akimeh kineltokaskeh amo mamoixpolokah, yej makipiakah se yankuik nemílistli non ayik tlami” (Juan 3:16). ToTajtsin Dios okiualtitlanki Jesús topatka ma motemakaki. Se tlakatl tlen itoka Prabhakar tlen kipia 86 xiuitl uan chanti altepetl India omokuayejyeko tlen okichi toTajtsin Dios, ye okijto: “Non nechititia Jehováa sapanoua nechtlasojtla uan nechpaleuia ma nikneltoka satepan nochipa niyoltos”.

Uelis tiktlasojkamatiliskej toTajtsin Dios tlen okichi topatka.

Biblia kijtoua uelis tiktlasojkamatiliskej tlen okichi toTajtsin Dios “tla tikchiwah tlan kijtoa itlanawatil” (1 Juan 2:3). Jehová techititia tlen uelis tikchiuaskej para kuali ma tiyetokan (Isaías 48:17, 18). Ye amo kineki ma titlajyouikan, ik non, tla tejuan tiktlakamatij kuali tiyetoskej uan satepan nochipa tiyoltoskej.

MOJMOSTLA MA TIKTLAJTOLTIKAN BIBLIA

Ijkuak tlakua enfermera kitlajtoltia Biblia uan ajkotlachia. — Timomakixtiskej tla tikiluiaj toTajtsin Dios ma techpaleui uan tla tikchiuaj tlen ye kineki.

Moneki mojmostla titlakuaskej tla tiknekij tiyoltoskej. Pero Jesús okijto: “N tlakatl amo san ika paj yolitok, yej noiwa ika nochi tlájtoli non Dios kijtoa” (Mateo 4:4).

Nochi tlen toTajtsin Dios kijtoua kajki itech Biblia. Ik non, ijkuak tejuan timomachtiaj, tikmatij tlen okichi yiuejkika, tlen kichijtok uan tlen kichiuas.

MA TIKILUIKAN MA TECHPALEUI

¿Tlen techpaleuis tla tiknekij tiktlakamatiskej toTajtsin Dios pero oui tikitaj ayakmo tikchiuaskej tlen ye amo kipaktia? Techpaleuis tla okachi tikixmatij toTajtsin Dios.

Ma tikitakan tlen okipanok se siuatl tlen tiktokayotiskej Sakura. Ye oauilnemiaya pero ijkuak opejki momachtia Biblia okitak toTajtsin Dios kijtoua: “Xikcholilikah n awilnemílistli” (1 Corintios 6:18). Sakura okilui toTajtsin Dios ma kipaleui, satepan okipatlak inemilis. Pero ok moneki mochijchikajtos para ayakmo auilnemis. Ye okijto: “Ijkuak nimokuayejyekoua niauilnemis, ika nochi noyolo nikiluia Jehová ma nechpaleui porque nikmati san ye uelis nechpaleuis ayakmo ijkon ma nimokuayejyeko. Ijkuak niktlatlaujtia Jehová okachi iuan nimouika”. Ijkon ken Sakura, miakej tlen kixmatij toTajtsin Dios kinpaleuia ma kipatlakan innemilis uan ma kichiuakan tlen ye kineki (Filipenses. 4:13).

Ijkuak okachi tikixmatiskej toTajtsin Dios, tiktlasojtlaskej uan okachi iuan timouikaskej (Gálatas 4:9; Salmo 25:14). Ijkon uelis timomakixtiskej uan kuali tiyetoskej ijkuak toTajtsin Dios ualtlanauatis. Pero ijkuakon ¿ken tlayetos? Itech okse tlamachtil non timomachtiskej.

a Biblia kijtoua toTajtsin Dios itoka Jehová.