Seki tlamantli tlen techpaleuis matimomachtikan toselti uan ijkuak timomachtiaj iuan tofamilia

Tikueyichiuaj Jehová inuan tokniuan ijkuak timonechikouaj uan ijkuak tikinpiaj uejueyij nechikolmej. Noijki tikueyichiuaj Jehová ijkuak toselti timomachtiaj uan ijkuak timomachtiaj iuan tofamilia. Nikan moijtoua seki tlamantli tlen techpaleuis matimomachtikan:

• Matimomachtikan tlen tikitaskej ijkuak timonechikoskej. Uelis tikinmojpauiskej tlakuikalmej uan san sekan matimomachtikan tlen tiknekij titlanankiliskej.

• Matiktlajtoltikan tlen okipanok se itekipanojka Jehová tlen ijkuilitok itech Biblia. Satepan uelis tikinchiuaskej dibujos noso tikijkuiloskej tlen otimomachtijkej.

• Matimomachtikan ken omotlatlaujtijkej itekipanojkauan toTajtsin Dios tlen ijkuilitokej itech Biblia. Matimokuayejyekokan ken uelis okachi kuali timotlatlaujtiskej.

• Matikitakan se video tlen kajki itech jw.org. Satepan matimotlapouikan iuan tofamilia tlen otechpakti noso matikijkuilokan.

• Matimomachtikan ken titetlapouiskej. Uelis miak uelta timomachtiskej tlen tikijtoskej ijkuak titetlapouiskej.

• Matikitakan tlen okichijchi toTajtsin Dios. Noijki matimokuayejyekokan ken techpaleuia okachi matikixmatikan Jehová. Tla timomachtiaj iuan tofamilia, san sekan matimotlapouikan tlen techmachtia tlen okichijchi toTajtsin Dios.a