Watchtower AMATLAJKUILOLMEJ ITECH INTERNET
Watchtower
AMATLAJKUILOLMEJ ITECH INTERNET
náhuatl del centro
  • BIBLIA
  • AMATLAJKUILOLMEJ
  • NECHIKOLMEJ
  • lfb tlamachtil 99 pág. 230-pág. 231 párr. 4
  • Se tlakatl tlen otlamaluiaya telpiloyan omomachti tlen melauak

Amitlaj video.

Techtlapojpolui, amo ueli otikkixtijkej video.

  • Se tlakatl tlen otlamaluiaya telpiloyan omomachti tlen melauak
  • Nechpaktia tlen nechmachtia Biblia
  • Okseki tlamachtilmej
  • “Xiuiki Macedonia uan techpaleui”
    Nochtin matikintlapouikan “iTekiuajkayo toTajtsin Dios”
  • Iyolseuilis toTajtsin Dios tlen amo ikaj kajsikamati
    Akin Tetlapouijtok Kitematiltia Itekiuajkayo Jehová (tlen ika timomachtiaj)—2017
Nechpaktia tlen nechmachtia Biblia
lfb tlamachtil 99 pág. 230-pág. 231 párr. 4
Tlakatl tlen otlamaluiaya telpiloyan tlen okatka Filipos kita kaltlatsakuilmej tlapotokej pero amo ikaj ocholo

TLAMACHTIL 99

Se tlakatl tlen otlamaluiaya telpiloyan omomachti tlen melauak

Itech altepetl Filipos, okatka se ichpochtli tlakeuali tlen okimatiaya tlen panoskia satepan porque okipiaya se amo kuali ejekatl. Nin ichpochtli okitlaniaya miak tomin para itekouan ijkuak okichiuaya non tlamantli. Ijkuak Pablo uan Silas oajsitoj Filipos, nin ichpochtli okintokatinemiaya miak tonalmej. Amo kuali ejekatl okichiualtiaya ichpochtli chikauak ma kijto: “Ninmej tlakamej kitekichiuiliaj Dios tlen Ueyititok”. Saiktlami, Pablo okilui amo kuali ejekatl: “¡Nimitsnauatia ika itoka Jesús xikisa itech ichpochtli!”. Amo kuali ejekatl okichi tlen okinauati Pablo.

Itekouan nin ichpochtli sapanoa okualankej ijkuak okimatkej ayakmo kitlaniskiaj miak tomin. Okinuikakej Pablo uan Silas inmixpan tekiuajkej uan okinmiluijkej: “¡Ninmej tlakamej amo kitlakamatij tlanauatilmej uan kinkuejsojtinemij akinmej nikan chantij!”. Tekiuajkej otlanauatijkej ma kinuitekikan Pablo uan Silas uan ma kintsakuakan. Akin ompa otlamaluiaya okintsak Pablo uan Silas kanin okachi tlaijtik uan kanin okachi otlayoatoka. Noijki, okintseko inmauan uan inmikxiuan itech tablas.

Pablo uan Silas opejkej kiueyichiuaj Jehová ika tlakuikalmej uan akinmej ompa otsaktokaj okinkakiayaj. Tlajkoyoak opejki chikauak tlalolini. Omotlapojkej kaltlatsakuilmej, noijki ouetskej cadenas uan tablas tlen ika oilpitokaj akinmej ompa otsaktokaj. Akin ompa otlamaluiaya totoka okalak uan okitak kaltlatsakuilmej otlapotokaj. Ye omokuayejyeko nochtin ocholojkej, ik non, okikitski se espada tlen ika momiktiskia.

Pablo chikauak okijto: “¡Amo ximomikti! ¡Tinochtin nikan tikatej!”. Akin otlamaluijtoka omotlalo kanin okatkaj Pablo uan Silas uan inmixpan omotlankuaketski. Okintlajtlani: “¿Ken nimomakixtis?”. Yejuan okinankilijkej: “Te uan akinmej chantij mokalijtik moneki xitlaneltokakan itech Jesús”. Pablo uan Silas okimachtijkej iTlajtol Jehová non tlakatl uan akinmej ochantiayaj ikalijtik, satepan yejuan omoapolaktijkej.

“Nomechkitskiskeh iwa nomechtotojtokaskeh. Nomechwikaskeh innawak tekiwajkeh de sinagogas iwa nomechtsakuatiweh. Nomechtemaktiskeh inmak wejweyi tlanawatijkeh iwa gobernadormeh por nonnechtlakitah. Ijkuakó nomejwah nonweletiskeh nonkintlapowiskeh de Ne” (Lucas 21:12, 13).

Tlajtlanilmej: ¿Tleka okintsakej Pablo uan Silas? ¿Ken omomachti tlen melauak akin otlamaluiaya telpiloyan?

Hechos 16:16-34.

    Amatlajkuilolmej ika Náhuatl del centro (1993-2026)
    Nikan tiktsakuas
    Nikan tikpeualtis
    • náhuatl del centro
    • Xiktitlani
    • Uelis tikpatlas seki tlamantli
    • Copyright © 2025 Watch Tower Bible and Tract Society of Pennsylvania
    • Tla tikneki tikitas
    • Amo ikaj uelis kitas
    • Configuración de privacidad
    • JW.ORG
    • Nikan tikpeualtis
    Xiktitlani