TLAMACHTIL 25
¿Ken kineki toTajtsin Dios matiyetokan?
Biblia kijtoua tinochtin ‘amo uejkika tiyoltokej uan sapanoua titlajyouiaj’ (Job 14:1). Pero ¿kineki toTajtsin Dios ijkon matiyetokan? Tla amo okinekiaya ijkon matiyetokan, ¿tlen kichiuas? ¿Melauak mochiuas tlen kineki? Xikita tlen kijtoua Biblia.
1. ¿Kineki toTajtsin Dios matiyolpakikan?
Jehová kineki matiyolpakikan uan kuali matiyetokan. Ijkuak Jehová okinchijchi Adán uan Eva, okintlali itech se kuajkualtsin xochitlali tlen omotokayotiaya Edén. Ompa “toTajtsin Dios okinteochi uan okinmilui: ‘Ximomiaktilikan uan ximochiuakan nanmiakej, xiktemitikan tlaltikpak uan xikmaluikanʼ” (Génesis 1:28). Jehová okinekiaya makinpiakan inkoneuan, makikopakan tlaltikpak se xochitlali uan makinmaluikan yolkamej. Ye okinekiaya nochtin machikajtokan uan nochipa mayoltokan.
Amo opanok tlen toTajtsin Dios okinekiaya,a pero ye ok kineki matiyolpakikan (Isaías 46:10, 11). Ye kineki akinmej kitlakamatij nochipa mayoltokan uan mayolpakikan (xiktlajtolti Apocalipsis 21:3, 4).
2. ¿Tlen techpaleuis axkan noijki matiyolpakikan?
Tiknekij tikixmatiskej Jehová uan tikueyichiuaskej porque ye ijkon otechchijchi (xiktlajtolti Mateo 5:3-6). Jehová kineki iuan matimouikakan uan noijki kineki matiktlakamatikan, matiktlasojtlakan uan matiktekichiuilikan ika nochi toyolo (Deuteronomio 10:12; Salmo 25:14). Tla ijkon tikchiuaj, uelis tiyolpakiskej maski titlajyouiskej. Ijkuak tiktekichiuiliaj Jehová tiyolpakij porque tikmatokej tikchiuaj tlen ye kineki.
MATIMOMACHTIKAN
Matikitakan ken techtlasojtla Jehová ika nochi tlen okichijchi. Noijki tikitaskej itech Biblia techyekiluia ken kineki matiyetokan.
3. Jehová kineki matiyolpakikan
Xikitakan VIDEO uan satepan xikitakan tlen namechmachtia.
¿Tleka toTajtsin Dios kualtsin okichijchi tlaltikpak?
Xiktlajtoltikan Eclesiastés 3:11 uan satepan xikitakan tlen namechmachtia.
¿Ken techpaleuia nin texto okachi matikixmatikan Jehová?
4. Jehová amo kipatla tlen okinekiaya kichiuas
Xiktlajtoltikan Salmo 37:11, 29 uan Isaías 55:11 uan satepan xikitakan tlen namechmachtia.
¿Ken tikmatij toTajtsin Dios ok kineki nochipa matiyoltokan uan matiyolpakikan?
Ijkuak se kali yixixintok, ueli kiyektlaliaj. Noijki ijkon toTajtsin Dios kiyektlalis tlaltikpak para ompa machantikan akinmej kitlasojtlaj.
5. Ijkuak tikueyichiuaj Jehová melauak tiyolpakij
Ijkuak tikmatij ken kineki Jehová matiyetokan melauak tiyolpakij. Xikitakan VIDEO uan satepan xikitakan tlen namechmachtia.
¿Ken okipaleui Terumi kimatis akin otechchijchi?
Xiktlajtoltikan Eclesiastés 12:13 uan satepan xikitakan tlen namechmachtia.
¿Ken uelis tiktlasojkamatiliskej Jehová nochi tlen yotechmakak?
SEKIMEJ KIJTOUAJ: “¿Tleka tiyoltokej? ¿Uelis tiyolpakiskej?”.
Tla ikaj ijkon mitsiluis, ¿tlen tiknankilis?
XIKILNAMIKTO
Jehová kineki nochipa matiyoltokan nikan tlaltikpak uan matiyolpakikan. Noijki axkan tiyolpakij ijkuak tiktekichiuiliaj Jehová ika nochi toyolo.
Matikojpauikan
¿Tleka Jehová okinchijchi Adán uan Eva?
¿Ken tikmatij toTajtsin Dios ok kineki nochipa matiyoltokan?
¿Tlen moneki tikchiuas tla tikneki tiyolpakis?
NIN NOIJKI MITSPAKTIS
Xikita ken tikmatij melauak okatka xochitlali Edén.
“¿Melauak okatka xochitlali Edén?” (Akin Tetlapouijtok, 1 de enero 2011)
Xikita tleka tikijtouaj tlaltikpak nochipa yetos.
“¿Pojpoliuis tlaltikpak?” (Nin tlamachtil kajki itech jw.org/ncx)
Biblia kijtoua tleka tiyoltokej.
“¿Tleka tiyoltokej?” (Nin tlamachtil kajki itech jw.org/ncx)
Xikita ken se tlakatl maski omotaya oyolpakiaya okimachiliaya itlaj okipolouaya.
a Itech okse tlamachtil tikitaskej tleka axkan amo tikatej ken toTajtsin Dios okinekiaya.