¿Ikaj okichijchi nochi tlen onka?

Biblia kijtoua toTajtsin Dios otechmakak toyolilis (Salmo 36:9). ¿Tikneltoka tlen ompa kijtoua? Miakej kijtouaj amikaj otechchijchi. Tla amikaj otechchijchi noso san ijkon otineskej, kijtosneki amitlaj ipati nikan tikatej. Pero tla Jehová otechchijchi, ¿ken kineki matiyetokan?a Xikita tlen kijtoua Biblia uan xikita tleka uelis tikneltokas tlen ompa kijtoua.

1. ¿Ken omochi nochi tlen onka iluikak?

Biblia kijtoua: “Achto, toTajtsin Dios okichijchi iluikak uan tlaltikpak” (Génesis 1:1). Miakej ixtlamatkej kineltokaj ikaj okichijchi nochi tlen onka. ¿Ken okichijchi toTajtsin Dios nochi tlen onka iluikak? Ika iespíritu santo noso ichikaualis okichijchi nochi tlen kajki iluikak ken galaxias, sitlalimej uan planetas (Génesis 1:2).

2. ¿Tleka toTajtsin Dios okichijchi tlaltikpak?

Jehová amo san okichijchi tlaltikpak, “okichijchi para itech chantiskiaj” (Isaías 45:18). Ye kualtsin okichijchi tlaltikpak para uelis itech nochipa tichantiskiaj (xiktlajtolti Isaías 40:28 uan 42:5). Ixtlamatkej kijtouaj tlaltikpak amo ken okseki planetas. Amo onka okse planeta kanin uelis tichantiskiaj.

3. ¿Tlen tichiuaj tejuan uan amo uelij kichiuaj yolkamej?

Ijkuak toTajtsin Dios otlanki okichijchi tlaltikpak, okichijchi okseki tlamantli. Achto okinchijchi kuajmej, xochitl, yolkamej uan satepan “toTajtsin Dios okichijchi tlakatl ken ye” (xiktlajtolti Génesis 1:27). ¿Tlen tikchiuaj tejuan uan amo uelij kichiuaj yolkamej? ToTajtsin Dios otechchijchi ken ye, ikinon titetlasojtlaj uan amo techpaktia ijkuak oksekimej kichiuaj tlen amo kuali. Ueli timomachtiaj okse tlajtoli, techpaktia tikitaskej tlen kuajkualtsin uan noijki techpaktia tikkakiskej tlatsotsonali porque ijkon otechchijchi Jehová. Yolkamej amo uelij kiueyichiuaj toTajtsin Dios pero tejuan kema.

MATIMOMACHTIKAN

Matikitakan tleka tikijtouaj toTajtsin Dios otlachijchi uan tleka moneki tikneltokaskej tlen Biblia kijtoua. Noijki tikitaskej ken uelis okachi tikixmatiskej toTajtsin Dios ijkuak tikitaj tlen kichiuaj oksekimej.

4. Nochi tlen onka ikaj okichijchi

Sekimej kinpatioitaj porque kichijchiuaj itlaj tlen okitakej itech yolkamej. Pero ¿akin kiueyichiua akin okinchijchi yolkamej? Xikitakan VIDEO uan satepan xikitakan tlen namechmachtia.

VIDEO: Itech toTajtsin Dios (2:43)

• ¿Tlen tlamantli yokichijchijkej ika tlen okitakej itech yolkamej?

Se kali ikaj okichijchi. Pero ¿akin okichijchi nochi tlen onka nikan tlaltikpak? Xiktlajtoltikan Hebreos 3:4 uan satepan xikitakan tlen namechmachtia.

• ¿Tlen okachi mitspaktia ijkuak tikita nochi tlen onka?

• ¿Uelis tikneltokaskej nochi tlen onka iluikak uan okseki tlamantli ikaj okichijchi? ¿Tleka ijkon tikijtoua?

¿Otikmatiaya?

Itech jw.org/ncx tikinmajsis videos uan tlamachtilmej tlen techititia toTajtsin Dios otlachijchi. Xikintemo itech tlamachtilmej “¿Ikaj okichijchi?” uan “¿Kineltokaj sekimej ikaj otlachijchi?”.

“Se kali ikaj kichiua pero toTajtsin Dios okichijchi nochi tlen onka”.

5. Uelis tikneltokaskej ijkuak Biblia kijtoua ikaj otlachijchi

VIDEO: ¿Ikaj okichijchi nochi tlen onka iluikak? (video tlen amo ueyi) (3:51)

• ¿Techmachtia Biblia okichijchijkej tlaltikpak uan nochi tlen onka san itech chikuase tonal?

• ¿Tikneltoka ijkuak Biblia kijtoua ken omochi nochi tlen onka? ¿Tleka ijkon tikijtoua?

Xiktlajtoltikan Génesis 1:1 uan satepan xikitakan tlen namechmachtia.

• Miakej ixtlamatkej kijtouaj ikaj okichijchi nochi tlen onka. Tlen kineltokaj ixtlamatkej, ¿noijki ijkon ken kijtoua Biblia?

Sekimej kinekij kimatiskej kox toTajtsin Dios okichijchi seki tlamantli uan satepan iselti omoyektlalijtia. Xiktlajtoltikan Génesis 1:21, 25, 27 uan satepan xikitakan tlen namechmachtia.

• ¿Tlamachtia Biblia toTajtsin Dios san okichijchi seki tlamantli uan satepan iselti omopatlatia hasta omochijkej michimej, yolkamej uan tejuan? ¿Noso ye okichijchi nochi tlen onka?

6. Tejuan okse tlamantli otechchijchi toTajtsin Dios

Tejuan amo otechchijchijkej ken yolkamej. Xiktlajtoltikan Génesis 1:26 uan satepan xikitakan tlen namechmachtia.

• Tejuan titetlasojtlaj uan titeiknomatij porque toTajtsin Dios otechchijchi ken ye, ¿tlen techmachtia non itech toTajtsin Dios?

XIKILNAMIKTO

Jehová okichijchi nochi tlen onka.

Matikojpauikan

• ¿Akin kijtoua Biblia okichijchi nochi tlen onka iluikak?

• ¿San se tlamantli okichijchi toTajtsin Dios uan satepan omopatlatia? ¿Noso ye okichijchi nochi tlen onka?

• ¿Tleka uelis tikijtoskej toTajtsin Dios okse tlamantli otechchijchi?

NIN NOIJKI MITSPAKTIS

Xikita tleka nochi tlen onka kiteititia ikaj otlachijchi.

“¿Tlen techmachtia nochi tlen onka?” (¡Ma titlachixtokan!, septiembre 2006)

Xikita ken se teta kimachtia ikone ikaj okichijchi nochi tlen onka.

Jehová okichijchi nochi (2:37)

Xikita kox Biblia kijtoua nochi san iselti omochijtia.

“¿Okichijchi toTajtsin Dios san se tlamantli uan satepan omopatlatia?” (Nin tlamachtil kajki itech jw.org/ncx)

Xikita kox tlen yokajsikej uan tlen kimatij ixtlamatkej kiteititia ikaj otechchijchi noso amo.

El origen de la vida. Cinco cuestiones dignas de análisis (Amatlajkuilol)