Okse tokni poui itech Cuerpo Gobernante

MIÉRCOLES 24 de enero 2018, non kualkan okinmiluijkej betelitas tlen katej Estados Unidos uan tlen katej Canadá, yokipejpenkej Kenneth Cook, tlen noijki motokayotia ken itajtsin ma poui itech Cuerpo Gobernante tlen kipiaj iTlaixpantijkauan Jehová.

Tokni Kenneth Cook oneski Pensilvania, ompa Estados Unidos uan noijki ompa omoskalti. Opejki momachtia Biblia porque okimachti se akin iuan omomachtiaya achto kitlamiskia secundaria. Omoapolakti 7 de junio 1980. Omochi precursor itech 1 de septiembre 1982. Opanok ome xiuitl uan okiluijkej ma tekipanoti Betel. Tokni Kenneth Cook opejki tekipanoa Wallkill ompa Nueva York itech 12 de octubre 1984.

Tokni Kenneth Cook otekipano kanaj veinticinco xiuitl kanin kinchijchiuaj amatlajkuilolmej uan noijki otekipano itech oficina de Betel kanin kiyekanaj miak tlamantli. Itech 1996 omonamikti iuan se tokni tlen itoka Jamie uan noijki opejki tekipanoa ompa Wallkill. Diciembre 2009 okintitlankej kanin Tlamachtiaj ika Biblia ompa Patterson. Tokni Kenneth Cook okitlalijkej ma tekipano kanin kinankiliaj tlen tlajtlanij itech Biblia uan amatlajkuilolmej. Satepan okintitlankej Wallkill pero amo ouejkajkej uan abril 2016 okintitlankej ompa Brooklyn. Opanok makuili metstli uan okintitlankej Warwick. Enero 2017 tokni Kenneth Cook okitlalijkej ma tlapaleui kanin kinmiluiloaj amatlajkuilolmej tlen kiyekana Cuerpo Gobernante.