San niman ma timokuepakan

Axkan miakej kinekij momachtiskej, uan okachi pampa opejki tiktekitiltiaj Internet uan noijki pampa titetlapouiaj itech ojtli. Ik non, Betel san niman kitemoa akin uelis kinmachtis. Se neskayotl, tla itech jw.org ikaj kitlajtlania ma kimachtikan, san itech kanaj ome tonal kinmiluiaj tlayekankej ma kitlapouikan akin kineki momachtis. Pero, otechiluijkej sekimej tokniuan uejkauaj semanas pampa kitlajpaloskej akin kineki momachtis. ¿Tlen uelis tikchiuaskej pampa san niman ma tikinmachtikan? (Mar. 4:14, 15.)

Tla ikaj kineki momachtis Biblia, pero amo chanti kanin tejuatsin tichanti, san niman xiktemiti amatsintli Sírvase visitar (S-43-S), uan san niman xikmaka secretario. Ijkuakon secretario moneki kijkuilos itech jw.org kanin kijtoa Congregación, nin amo moneki panos ome tonalmej. Noijki tlayekankej nochipa moneki kalakiskej itech jw.org. Tla namechiluiaj ikaj kineki momachtis Biblia, san niman moneki nankitlajpalotiuij. Uan tokni akin kiluiskej ma kimachti san niman moneki kichiuas. Tla amo tikajsis xikajteuili se amatsintli ika motoka uan kanin tichanti.