Pampa okachi kuali titetlapouiskej: xikinpaleui akinmej tikinmachtia ma motemakakan ixpan Jehová uan ma moapolaktikan

TLEKA MIAK IPATI. Pampa Jehová uelis kinselis, akinmej tikinmachtiaj moneki motemakaskej ixpan uan moapolaktiskej (1 Ped. 3:21). Akinmej kitekichiuiliaj Jehová ijkon ken okiluijkej ijkuak ixpan omotemakakej, ye kimaluis intlaneltokilis (Sal. 91:1, 2). Akinmej tikchiuaj ken Cristo otimotemakakej ixpan Jehová, uan amo ixpan se tlaltikpaktlakatl, se tekitl noso se organización. Ik non, akinmej tikinmachtiaj moneki kitlasojtlaskej uan kitlakaitaskej Jehová (Rom. 14:7, 8).

KEN UELIS TIKCHIUASKEJ:

• Ijkuak nanmomachtiskej, xikitakan tlen nanmechmachtia itech toTajtsin Dios. Xikilui miak ipati moneki tiktlajtoltiskej iTlajtol toTajtsin Jehová mojmostla uan tiktlatlaujtiskej nochipa (1 Tes. 5:17; Sant. 4:8).

• Xikyoleua akin tikmachtia ma mochijchikaua ma motemaka ixpan Jehová uan ma moapolakti. Noijki xikpaleui pampa okachi ma tekiti, ken ma tlanankili itech nechikolmej noso ma kintlapoui itech toTajtsin Dios akinmej inmiuan tekiti uan oksekimej tlaltikpaktlakamej. Pero xikilnamikto, Jehová amo ikaj kichiualtia ma kitekichiuili uan tla motemaka ixpan, ma kichiua pampa ye okipejpenki kichiuas (Deut. 30:19, 20).

• Xikyoleua akin tikmachtia ma kipatla inemilis pampa uelis kiyolpaktis Jehová uan ijkon uelis satepan moapolaktis (Prov. 27:11). Seki tlamantli uelis kichiuilis oui kikauas, moneki xikpaleuijto pampa uelis kipatlas inemilis (Efes. 4:22-24). Xikinmititi tlamachtilmej tlen itoka “Biblia okinpatili innemilis”, tlen uitsej itech revista Akin Tetlapouijtok.

• Xikilui ken sapanoa tiyolpaki pampa tiktekichiuilia Jehová (Is. 48:17, 18).