¿Tlen nikchijtok para nimoapolaktis?
TIKCHIUAJ KEN CRISTO
Xikpejpena tiktekichiuilis Jehová
¿Titelpochtli noso tiichpochtli noso timomachtijtok Biblia? ¿Yotimokuayejyeko timoapolaktis? ¿Tleka moneki ijkon tikchiuas? Porque ijkuak timotemakaj ixpan Jehová uan timoapolaktiaj peua iuan timouikaj uan ijkon uelis timomakixtiskej (Sal. 91:1; 1 Ped. 3:21, TNM). ¿Tlen moneki tikchiuas para timotemakas ixpan Jehová uan timoapolaktis?
Moselti ximomachti, ijkon tikitas melauak tlen kijtoua Biblia. Xiktemo ken tiknankilis tlen tikneki tikmatis (Rom. 12:2). Tla moneki tikpatlas seki tlamantli itech monemilis, xikchiua porque tikneki tikyolpaktis Jehová (Prov. 27:11; Efes. 4:23, 24). Xiktlatlaujti Jehová ma mitspaleui uan xikneltoka ye mitsmakas iespíritu santo (1 Ped. 5:10, 11). Miak ipati ximochijchikaua tiktekichiuilis Jehová (Sal. 16:11).
IJKUAK YOTIKITAK VIDEO ¿TLEN UELIS NIKCHIUAS PARA NIMOAPOLAKTIS?, XIKINNANKILI NINMEJ TLAJTLANILMEJ:
¿Tlen ouijkayotl okipixkej sekimej para uelis moapolaktiskiaj?
¿Tlen uelis tikchiuas para timotemakas ixpan Jehová?
¿Tleka miakej kichiuaj tlen moneki para moapolaktiskej?
¿Ken yokinteochi Jehová akinmej yokipejpenki kitekichiuiliskej?
¿Tlen kijtosneki ijkuak ikaj motemaka ixpan Jehová uan moapolaktia?