Para okachi kuali titetlapouiskej: Xikintlapoui akinmej amo tlachiaj

¿TLEKA MIAK IPATI? Miakej akinmej amo tlachiaj amo kinpaktia motlapouiskej iuan akinmej amo kinmixmatij. Ik non, moneki tikmatiskej ken tikintlapouiskej. Jehová kintlasojtla akinmej amo tlachiaj uan kitekipachoua tlen kinpanoua (Lev. 19:14). Ma tikchiuakan ken Jehová uan ma tikinpaleuikan ma kixmatikan.

¿KEN TIKCHIUAS?

• Xikintemo (Mat. 10:11). ¿Tikixmati ikaj tlen amo tlachia? Ik kanin nantetlapouiaj xamo katej escuelas para akinmej amo tlachiaj, xamo yinankimatij kanin chantij uan kanin kinpaleuiaj xamo kinekiskej amatlajkuilolmej para akinmej amo tlachiaj.

• Xikteititi mitstekipachoua tlen kinpanoua. Tla titetlasojtla uan tikteititia mitstekipachoua akin tiktlapouijtok kuali momachilis. Xiktlapoui itlaj tlen kintekipachoua akinmej ik ompa chantij.

• Xikinpaleui ma kixmatikan Jehová. Ialtepe yokinchijchi amatlajkuilolmej ika miak formatos para kinpaleuis akinmej amo tlachiaj. Xiktlajtlani akin tiktlapouijtok ika tlen formato kineki amatlajkuilol. Tokni akin kiyekana tetlapouilistli, moneki kitas akin tlapaleuia kanin kintemakaj amatlajkuilolmej, ma kintlajtlani amatlajkuilolmej ika formato tlen kinekis akin amo tlachia.