¿Mitspaktiskia tias kanin kinmachtiaj akinmej tetlapouiaj itech Tekiuajkayotl?

Tla tikpia 23 hasta 65 xiuitl uan okachi tiktekichiuilia Jehová, tla tichikajtok uan tikneki titlapaleuiti kanin okachi moneki, ¿mitspaktiskia tiktemitis amatl para tias kanin kinmachtiaj akinmej tetlapouiaj itech Tekiuajkayotl? Desde ijkuak opejki tlamachtiaj, miakej tlen yomonamiktijkej uan tokniuan tlen inselti, noijki ompa yomomachtitoj. Pero okachi moneki ma momachtitij tokniuan tlakamej tlen inselti. Xiktlatlaujti Jehová para tiknekis okachi tiktekichiuilis uan tikchiuas ken Jesús (Sal. 40:8; Mat. 20:28; Heb. 10:7). Noijki xikita tlen moneki tikchiuas, kox uelis tikkauas seki tlamantli noso ayakmo okachi titekipanos uan ijkon uelis timomachtiti.

¿Tlen yokichijkej tokniuan tlen ompa yomomachtitoj? Sekimej okintitlankej ma tetlapouitiuij kanin tlajtouaj okse tlajtoli noso ma tetlapouitiuij ika carritos kanin miakej panouaj. Oksekimej tokniuan tlakamej kintlajpalouaj tokniuan itech tlanechikolmej inpatka tlayekankej itech circuito, oksekimej mochiuaj tlayekankej itech circuito uan oksekimej mochiuaj misioneros. Ximokuayejyeko ken okachi tiktekichiuilis Jehová, xikchiua ken okichi profeta Isaías: “¡Nikan nika! Techtitlani” (Is. 6:8).

IJKUAK YOTIKITAK VIDEO MELAUAK TLAPALEUIAJ MISIONEROS, XIKINNANKILI NINMEJ TLAJTLANILMEJ:

• 

  ¿Ken kinpejpenaj akinmej yetoskej misioneros?

• 

  ¿Ken tlapaleuijtokej misioneros?

• 

  ¿Ken kinteochiua Jehová misioneros?