Ma tiktlasojtlakan tofamilia

Tla familias motlasojtlaj, non kinpaleuia kuali ma mouikakan. Pero tla amo motlasojtlaj, amo kuali mouikaskej uan amo mopaleuiskej. ¿Ken uelis kitlasojtlaskej infamilia tetajmej, akinmej yikipiaj innamik noso insiua?

Tlakatl tlen kipia isiua nochipa moneki kitas tlen kipoloua, tlen mokuayejyekoua uan tlen kimachilia (Efes. 5:28, 29). Ye moneki nochipa kinmakas tlen ika mopanoltiskej akinmej pouij itech ifamilia, moneki kinpaleuis ma mouikakan iuan Jehová uan inmiuan momachtia Biblia ijkuak kiueyichiuaj Jehová (1 Tim. 5:8). Siuatl tlen yikipia inamik kikauas ma kiyekana uan moneki kitlakaitas (Efes. 5:22, 33; 1 Ped. 3:1-6). Tlakatl uan siuatl moneki motlapojpoluiskej (Efes. 4:32). Tetajmej tlen kintlasojtlaj inkoneuan, nochtin kinmaluiaj uan kinpaleuiaj ma kitlasojtlakan Jehová (Deut. 6:6, 7; Efes. 6:4). ¿Tlen ouijkayotl kipiaj namokoneuan kanin momachtiaj? ¿Tlen kinpaleuia amo kichiuaskej tlen oksekimej kinmiluiaj ma kichiuakan? Tla familias motlasojtlaj, nochtin kuali yetoskej.

IJKUAK YOTIKITAK VIDEO MA TIKINTLASOJTLAKAN TOKALCHANEJKAUAN, XIKINNANKILI NINMEJ TLAJTLANILMEJ:

• 

  ¿Ken kiteititia tlakatl kimaluia uan kitlasojtla isiua?

• 

  ¿Siuatl ken kiteititia kitlakaita inamik?

• 

  ¿Ken mochijchikauaj tetajmej kintlapouiskej inkoneuan itech toTajtsin Dios?