TELPOCHMEJ UAN ICHPOCHMEJ TLAJTLANIJ
¿Ken uelis nechpaleuis tlen kijtoua Biblia? Tlamachtil 1: Xiktemo itech Biblia tlen uelis mitspaleuis
Se ichpochtli tlen itoka Briana uan kipia 15 xiuitl okijto: “Nechpaktia niktlajtoltis Biblia pero nikita oui nochi niktlajtoltis”.
¿Noijki ijkon timokuayejyekoua? Nin tlamachtil mitspaleuis.
¿Tleka moneki tiktlajtoltiskej Biblia?
¿Mitstlatsiuitia tiktlajtoltis Biblia? Miakej ijkon kimachiliaj. Xamo tikita oui tiktlajtoltis Biblia porque tikita sapanoua ueyi, kipia letras tsikitsitsintin uan amo kipia dibujos. Xamo okachi mitspaktia tikitas televisión uan videos.
Ma tikijtokan otikajsik se xoktsin tlen kipia oro. ¿San niman tiknekiskia tiktlapos?
Biblia yetoskia ken xoktsin tlen kipia oro. Tlen ompa kijtoua mitspaleuis:
Xikpejpena tlen kuali.
Kuali ximouika iuan motatajuan.
Xikinmajsi akinmej inmiuan timouikas.
Tikmatis tlen tikchiuas ijkuak tisotlaua uan timotekipachoua.
¿Tleka tikijtouaj uelis techpaleuis tlen kijtoua Biblia tla yiuejkika okijkuilojkej? Techpaleuia porque “nochi tiotlajkuíloli Dios otlanawati makijkuilokah” (2 Timoteo 3:16). Nochi tlen ijkuilitok itech Biblia itlajtol toTajtsin Dios, ik non, techpaleuia tlen ompa kijtoua.
Biblia ken se xoktsin tlen kipia oro porque techpaleuia tlen kijtoua.
¿Ken uelis tiktlajtoltis Biblia?
Uelis peuas tiktlajtoltis ik kanin peua uan tiktlajtoltijtias hasta kanin tlami. Ijkon uelis tikajsikamatis tlen kijtoua. Ma tikitakan ken uelis tiktlajtoltis Biblia:
Uelis tikintlajtoltis 66 amochmej tlen katej itech Biblia. Tipeuas itech Génesis uan titlamiti Apocalipsis.
Noijki uelis tiktlajtoltis ken opanotia nochi tlen kijtoua Biblia.
Ijkin uelis tikchiuas: Itech Amatlajkuilol tlen mitspaleuis timomachtis iTlajtol toTajtsin Dios itech tlaxelol 4 uelis tikitas tlen okipanok Jesús.
Noijki uelis tiktlajtoltis itlaj tlen mitspaleuis tikixnamikis tlen mitspanotok.
¿Mitspaktiskia timouikas iuan akinmej uelis tikinmiluis nochi tlen timokuayejyekoua? Mitspaleuis tla tiktlajtoltis ken omouikayaj David uan Jonatán (1 Samuel, capítulos 18 hasta 20). Satepan ximomachti “Cómo encontrar amigos de verdad” tlen ompa timomachtis mitspaleuis xikajsikamati tlen okinpanok David uan Jonatán.
¿Mitspaktiskia tikmatis tlen mitspaleuis para amo tikchiuas tlen amo kuali? Mitspaleuis tla tiktlajtoltis tlen okipanok José (Génesis, capítulo 39). Satepan ximomachti kanin kijtoua: “Como resistir las tentaciones” uan “Acusado falsamente” satepan xikita tlen mitsmachtia.
¿Tikneki tikmatis ken mitspaleuis tla timotlatlaujtis? Ximomachti tlen okipanok Nehemías (Nehemías, capítulo 2). Satepan ximomachti kanin kijtoua “Jehová contestó su oración” uan xikita tlen mitsmachtia.
Ijkin uelis tikchiuas: Ijkuak tiknekis tiktlajtoltis Biblia, xiktlajtoltijti kanin uelis timokuayejyekos.
Noijki uelis tiktlajtoltis itlaj tlen mitspaktia itech Biblia noso se salmo uan satepan ximokuayejyeko ken uelis mitspaleuis. Ijkuak yotiktlajtolti ximotlajtlani:
¿Tleka Jehová otlanauati ma kijkuilokan tlen nikan kijtoua?
¿Tlen nechmachtia tlen Jehová kichiua?
¿Ken uelis nechpaleuis tlen oniktlajtolti?
Ijkin uelis tikchiuas: Uelis tikijkuilos keman peuas tiktlajtoltis Biblia uan uelis tiktekitiltis “Programa tlen mitspaleuis tiktlajtoltis Biblia”, tlen kajki itech página tlen tikpiaj itech Internet.