Watchtower AMATLAJKUILOLMEJ ITECH INTERNET
Watchtower
AMATLAJKUILOLMEJ ITECH INTERNET
náhuatl del centro
  • BIBLIA
  • AMATLAJKUILOLMEJ
  • NECHIKOLMEJ
  • my tlapoualistli 16
  • Isaac okitemolijkej se kuali isiua

Amitlaj video.

Techtlapojpolui, amo ueli otikkixtijkej video.

  • Isaac okitemolijkej se kuali isiua
  • Noamoch tlen nechtlapouia itech Biblia
  • Okseki tlamachtilmej
  • Rebeca okinekiaya kiyolpaktis Jehová
    Xikinmachti mokoneuan
  • Omoyejyeko itlaneltokilis Abrahán
    Noamoch tlen nechtlapouia itech Biblia
  • Omoyejyeko itlaneltokilis Abrahán
    Nechpaktia tlen nechmachtia Biblia
  • Koatsitsintin tlen okatkaj tlatlamantli
    Noamoch tlen nechtlapouia itech Biblia
Noamoch tlen nechtlapouia itech Biblia
my tlapoualistli 16

TLAPOUALISTLI 16

Isaac okitemolijkej se kuali isiua

¿TIKIXMATI siuatl tlen moita itech tlaixkopinal? Itoka Rebeca. Uan tlakatl tlen kinamikiti, itoka Isaac. Nin siuatl mochiua inamik Isaac. ¿Ken opanok?

Abrahán, itajtsin Isaac, okinekiaya ikone ma kipia se kuali siuatl. Amo okinekiaya Isaac ma monamikti iuan se siuatl tlen ochantiaya Canaán, pampa akinmej ompa ochantiayaj okinueyichiuayaj teotsitsintin. Ik non, Abrahán okinotski itlakeual uan okilui: ‘Nikneki xio Harán, kanin chantij nochanejkauan uan xiktemoli isiua nokone Isaac’.

San niman, itlakeual Abrahán okinkuito majtlaktli camellos uan oyajki miakej tonalmej. Ijkuak yoajsia kanin ochantiayaj ichanejkauan Abrahán, omoseui kanin okatka se atekochtli. Ijkuak yotlayoatoka, siuamej tlen ochantiayaj itech altepetl, oyayaj kikuitiuij atl itech atekochtli. Ik non, itlakeual Abrahán omotlatlaujti inauak Jehová uan okilui: ‘Siuatl akin nechatlitis uan kinmatlitis camellos, yetos akin tikpejpena pampa monamiktis iuan Isaac’.

San niman Rebeca okikuito atl. Ijkuak itlakeual Abrahán okitlajtlanili atl pampa atlis, ye okimakak. Satepan okikuito miak atl pampa okinmatliti nochtin camellos tlen oamikiayaj. Otekitik miak, pampa camellos konij miak, miak atl.

Ijkuak Rebeca okinmatliti nochtin, itlakeual Abrahán okitlajtlani ken omotokayotiaya itajtsin. Noijki okitlajtlani kox uelis mokauaskia ikalijtik. Rebeca okinankili: ‘Notajtsin itoka Betuel, uan uelis timokauas tokalijtik’. Itlakeual Abrahán okimatiaya Betuel okatka ikone Nacor, ikni Abrahán. Ik non, omotlankuaketski uan okitlasojkamatili Jehová pampa okiuikak kanin okatkaj ichanejkauan Abrahán.

Ipan non yoak, itlakeual Abrahán okilui Betuel uan Labán, ikni Rebeca, tleka okinmitato. Yejuan ome okijtojkej kema uelis kiuikaskia Rebeca uan monamiktiskia iuan Isaac. ¿Tlen okijto Rebeca ijkuak okitlajtlanijkej? Okijto kema, okinekiaya yas. Ik non, ijkuak oualmostlatik otlejkokej ipan camellos uan opejkej mokuepaj Canaán.

Ijkuak oajsitoj Canaán, yotlayoatoka. Rebeca okitak se tlakatl tlen onejnentoka itech tlalan. Okatka Isaac. Ijkuak Isaac okitak Rebeca, omoyolpakti miak. Isaac ok omoyolkokoaya maski yopanok kanaj eyi xiuitl ijkuak inantsin Sara omikik. Uan axan Isaac opejki kitlasojtla miak Rebeca, uan oksepa oyolpakik.

Génesis 24:1-67.

    Amatlajkuilolmej ika Náhuatl del centro (1993-2026)
    Nikan tiktsakuas
    Nikan tikpeualtis
    • náhuatl del centro
    • Xiktitlani
    • Uelis tikpatlas seki tlamantli
    • Copyright © 2025 Watch Tower Bible and Tract Society of Pennsylvania
    • Tla tikneki tikitas
    • Amo ikaj uelis kitas
    • Configuración de privacidad
    • JW.ORG
    • Nikan tikpeualtis
    Xiktitlani