TLAMACHTIL 7

Xiktekitilti tlen melauak opanok

Lucas 1:3

XIKILNAMIKTO: Ijkuak timomachtis, xiktemo seki tlamantli tlen melauak opanok uan non mitspaleuis kuali xitlamachti.

Xikita kox melauak opanok tlen tiktekitiltis. Ijkuak titlamachtis, ma kisa itech Biblia nochi tlen tikijtos. Tla tikintlapouis tlen kijtoaj ixtlamatkej, itech se noticia noso tlen ikaj itlaj okipanok, xikita kox melauak ijkon opanok uan kox yikin okijtojkej.
Kuali xiktekitilti tlen ika titlamachtiaj. Ijkuak tiktlajtoltis se texto, xikita ma mouika iuan okseki versículos uan noijki ma mouika iuan amatlajkuilolmej tlen techmaka “tlakeuali yolmelajki” (Mat. 24:45, TNM). Ijkuak titlajtos itech tlen oksekimej okijkuilojkej noso okijtojkej, xikijto ijkon ken ijkuilitok uan xikita kox mouika iuan tlen titlamachtia.

Amo xikajxitili tlen tikijtos. Ijkuak kijtoaj “sekimej” amo xikijto “nochtin” noso ijkuak kijtoaj “ualeua” amo xikijto “nochipa” uan ijkuak kijtoaj “xamo ijkon opanok” amo xikijto “amo ijkon opanok”.
Xikinpaleui ma mokuayejyekokan. Ijkuak yotiktlajtolti se texto noso yotikijto tlen opanok, xikintlajtlani noso xikintlalili se neskayotl uan ijkon kajsikamatiskej tlen tikinmachtis.