Okinpakti ijkuak se tokni okinmixuetskili

OMPA Baguio, Filipinas, ome siuamej onejnentiayaj ik kanin miakej tlanemakaj. Ompa okinmitakej sekimej tokniuan tlen otetlapouijtokaj ikaj se carrito pero amo omotokijkej. Ompa okatka se tokni tlen itoka Helen uan okinmixuetskili. Siuamej amo iuan omotlapouijkej pero okinpakti ijkuak ye okinmixuetskili.

Satepan ijkuak nonmej siuamej oyayaj itech se autobús, okitakej itech se kali kanin timonechikouaj okijtouaya jw.org ijkon ken okijtouaya carrito kanin otetlapouijtokaj tokniuan. Otemokej uan okitatoj tlen hora monechikouaj tokniuan itech non kali.

Nonmej siuamej omonechikojkej. Ijkuak okalakej san niman okitakej tokni Helen uan okixmatkej porque okinmixuetskili. Tokni Helen okijto: “Ijkuak onikinmitak ompa oualayaj, opejki nimomojtia. Onimokuayejyeko kox itlaj onikinchiuili”. Pero siuamej okiyolseuijkej uan okiluijkej tlen opanok.

Sapanoua okinpakti nechikol uan kuali omomachilijkej iuan tokniuan. Noijki okinekej tlapaleuiskej ijkuak okitakej tokniuan opejki tlachipauaj. Se siuatl ayakmo ompa chanti. Pero non okse siuatl opejki monechikoua uan opejki momachtia Biblia. Ijkon opanok porque tokni okinmixuetskili.