2 billones de dolares kitekitiltiaj para soldados | ¿Tlen kijtoua Biblia?

Itech xiuitl 2022 okitekitiltijkej kanaj 2,24 billones de dolares para kintlaxtlauiskej soldados uan para kipiaskej tlen moneki. Ijkon opanok porque ueyi altepetl Ucrania okinekiaya tlateuis. Se informe tlen okiski abril 2023 tlen itoka Instituto Internacional de Estudios para la Paz de Estocolmo (SIPRI) kijtoua tlen opanok itech xiuitl 2022.

• Tomin tlen okitekitiltijkej Europa para soldados otlejkok kanaj 13% non xiuitl. Sapanoua otlejkok tomin tlen okinmakakej soldados non xiuitl, yiuejkika amo ijkon opanouaya san ijkuak omochi guerra fría ijkon opanok.

• “Ompa Rusia tomin otlejkok kanaj 9,2% tlen okitekitiltijkej para soldados”. Rusia achto amo okachi okitekitiltiaya tomin ken axkan.

• Altepetl Estados Unidos okachi kitekitiltia tomin. “Kanaj 39% kitekitiltia para kintlaxtlauiskej soldados”.

Ixtlamatki Nan Tian kijtoua: “Tomin tlen axkan kitekitiltiaj para soldados technextilia axkan sapanoua onka tlen amo kuali”.

Itech Biblia kijtoua axkan miakej tekiuajkej mokualaniskiaj, noijki kijtoua tlen uelis tikchiuaskej para timoyolseuiskej.

Yomoijtojka sapanoua mokualaniskiaj soldados

• Biblia kijtoua axkan tikatej itlamian tonalmej (Daniel 8:19).

• Itech amochtli Daniel kijtoua axkan tekiuajkej mokualaniskiaj. Ninmej tekiuajkej mokualaniskiaj porque kinekij tlanauatiskej, ikinon kitekitiltiaj miak tomin itech soldados (Daniel 11:40, 42, 43).

Tla tikneki tikmatis okachi xikita video tlen itoka Mochijtok tlen kijtoua Daniel 11.

¿Ken uelis timoyolseuiskej?

• Biblia kijtoua toTajtsin Dios kinpatkayotis tekiuajkej uan “kitlalis se tekiuajkayotl tlen amo keman kitlajtlamiskej. Nin tekiuajkayotl amo kiuikaskej itech okse altepetl. Kintlajtlamis uan kinmachiuas nochi ninmej tekiuajkayomej uan ye nochipa yetos” (Daniel 2:44).

• Ayakmo miak poliui Jehováa kichiuas nochipa matimoyolseuikan, axkan amikaj uelis ijkon kichiuas. ¿Ken kichiuas? Itekiuajkayo toTajtsin Dios tlen kajki iluikak kipojpolos nochi tlen techtlajyouiltia uan tlen ika moteuiaj soldados (Salmo 46:8, 9).

Tla tikneki okachi tikmatis tlen kichiuas itekiuajkayo toTajtsin Dios xiktlajtolti tlamachtil tlen itoka “ITekiuajkayo toTajtsin Dios kichiuas ma yeto yolseuilistli”.