¿Tlen kichiuas iTekiuajkayo toTajtsin Dios?

Biblia technankilia

ToTajtsin Dios ika iTekiuajkayo toTajtsin Dios kinpojpolos tekiuajkej uan tlanauatis ipan tlaltikpak (Daniel 2:44; Apocalipsis 16:14). Ijkuak ijkon panos, mochiuas nin tlamantli:

• Kinmixpoloskej akinmej amo yolkualmej. “Akinmej amo yolkualmej kinmixpoloskej itech tlaltikpak uan noijki kinmixpoloskej akinmej tlakajkayauaj” (Proverbios 2:22).

• Ayakmo yetos guerra. ToTajtsin Dios ‘kintlajtlamis guerras itech nochi tlaltikpak’ (Salmo 46:9).

• Tiyolpakiskej uan kuali tiyetoskej. “Yejuan motlaliskej itlampa uvas uan itlampa higos uan amikaj kinmomojtis” (Miqueas 4:4).

• Tlaltikpak yetos se xochitlali. “Kualtsin yetos kanin tlauaki uan kualtsin tlaxochitis kanin tlakuauak tlali” (Isaías 35:1).

• Tinochtin techpaktis tekitl tlen tikchiuaskej. “Tekitl tlen kichiuaskej notekipanojkauan sapanoua kinyolpaktis. Amo san nenka tekipanoskej” (Isaías 65:21-23).

• Ayakmo ikaj mokokos. “Amikaj kijtos: ‘Nimokokoua’” (Isaías 33:24).

• Ayakmo ikaj kokoxkatis noso ueuejtis. “Inakayo mamoyankuili ken ijkuak okatka telpochtli; oksepa machikajto ken ijkuak okatka telpochtli” (Job 33:25).

• Kinyolitiskej akinmej yoixpolikej. “Nochteh non yomikkeh iwa tooktokeh kikakiskeh itlajtol. Iwa kisaskeh de inmiketekochwah” (Juan 5:28, 29).