Eyesibili EkaSamuyeli
1 USawuli wathi esifa uDavida wayesebuyele eZikhilagi+ evela nqoba ama-Amaleki. UDavida wahlala eZikhilagi okwamalanga amabili. 2 Ngelanga lesithathu kwafika ijaha livela enkambeni kaSawuli. Izigqoko zalo zazidabukile futhi ligcwele inhlabathi ekhanda. Lathi lifika kuDavida lazilahla phansi lalala emhlabathini, ubuso balo bukhangele phansi.
3 UDavida walibuza wathi: “Uvela ngaphi?” Lona lathi: “Ngibaleke enkambeni yako-Israyeli.” 4 UDavida waselibuza wathi: “Kuhambe njani? Ngicela ungitshele.” Laselisithi: “Abantu babalekile empini futhi abanengi bafile. USawuli lendodana yakhe uJonathani labo bafile.”+ 5 UDavida wasebuza ijaha lelo elalibuye lombiko lo wathi: “Ukwazi njani ukuthi uSawuli lendodana yakhe uJonathani bafile?” 6 Ijaha lelo laphendula lathi: “Ngithe ngisentabeni iGilibhowa+ ngabona uSawuli ebambelele emkhontweni wakhe futhi amabutho abegade amabhiza lezinqola abesezafika kuye.+ 7 Uthe ethalaza wangibona wasengibiza, mina ngathi, ‘Ngilapha!’ 8 Wangibuza wathi, ‘Ungubani?’ Ngaphendula ngathi, ‘Ngingum-Amaleki.’+ 9 Wasesithi kimi, ‘Ngicela usondele lapha ungibulale ngoba ngizwa ubuhlungu obukhulu lanxa ngisaphila.’ 10 Ngasengisondela eduze kwakhe ngambulala+ ngoba bengibona ukuthi kasoze aphile njengoba ubesewele phansi elimele. Ngithethe umqhele obusekhanda lakhe lesongo ebelisengalweni yakhe ngabuya lakho lapha enkosini yami.”
11 UDavida wathi ekuzwa lokho wabamba izigqoko zakhe wazidabula futhi wonke amadoda ayelaye lawo enza njalo. 12 Bakhala, balila futhi bazila+ ukudla kwaze kwaba ntambama ngenxa kaSawuli lendodana yakhe uJonathani labantu bakaJehova, abantu bako-Israyeli+ ababebulewe ngenkemba.
13 UDavida wabuza ijaha elalibuye lombiko wathi: “Ungowangaphi?” Lona laphendula lathi: “Ngiyindodana yomuntu wezizweni, um-Amaleki.” 14 UDavida wathi: “Kungani ungesabanga ukuphakamisa isandla sakho ukuthi ubulale ogcotshiweyo kaJehova?”+ 15 Wasebiza elinye ijaha wathi kulo: “Sondela umbulale.” Ngakho ijaha lelo lamgwaza lambulala.+ 16 UDavida wasesithi: “Wena ngokwakho uzibulalisile* ngoba ukhulume ngowakho umlomo wathi, ‘Yimi engibulele+ ogcotshiweyo kaJehova.’”
17 UDavida wahlabela ingoma elilela uSawuli lendodana yakhe uJonathani,+ 18 njalo wathi abantu bakoJuda kumele bayifundiswe ingoma le ethi, “Idandili,”* ebhalwe ebhukwini likaJashari.+ Wathi:
19 “Udumo lwakho we Israyeli, lusele ezindaweni zakho eziphakemeyo.+
Aphelile amaqhawe!
20 Lingakhulumi ngakho eGathi;+
Lingakumemezeli emigwaqweni yase-Ashikheloni,
Ngoba amadodakazi amaFilisti angajabula,
Amadodakazi abantu abangasokanga angathokoza kakhulu.
21 Lina zintaba zeGilibhowa,+
Akungabi lamazolo kini futhi lezulu kalingani phezu kwenu,
Akungabi lamasimu azathela amabele okwenza iminikelo engcwele,+
Ngoba amahawu amaqhawe angcoliselwe phezu kwenu,
Ihawu likaSawuli alisagcotshwa ngamafutha.
22 Umtshoko kaJonathani lenkemba kaSawuli bekungaphenduki+ kungabulalanga muntu
Njalo kungazange kutshone enyameni yamaqhawe.
Bebezingqwele!+
24 Awu madodakazi ako-Israyeli, lilelani uSawuli,
Obeligqokisa izigqoko ezibomvu ezinhle,
Afake lemiceciso yegolide ezigqokweni zenu.
25 Awu Israyeli, amaqhawe aphelile empini!
UJonathani ubulewe ezindaweni zakho eziphakemeyo!+
26 Ngidabukile ngawe mfowethu Jonathani,
Bengikuthanda kakhulu.+
Uthando lwakho belulukhulu ukwedlula uthando lwabesifazana.+
27 Awu aphelile amaqhawe,
Lezikhali zempi zitshabalele!”